InfoHub Logo

9 - 11 synyp aralyǵynda ıntelektýaldyq saıys
Taqyryby: «Táýelsizdik – qazaqtyń san ǵasyrlyq armany»

Maqsaty:
1) Oqýshylardy Otanyn súıýge, elin, jerin qorǵaýǵa tárbıeleý;
2) Kóp ultty Qazaqstannyń árbir azamatyn bizdiń ortaq úıimiz Qazaqstanda halyqtar arasynda dostyq senim, kelisim jáne turaqtylyqty saqtaýǵa úles qosýǵa tárbıeleý.
3) Oqýshylardy qazaqstandyq patrıotızm rýhyna tárbıeleý.

Sabaqtyń túri: ıntellektýaldy saıys

Kórnekiligi: elimizdiń týy, ınteraktıvti taqta, slaıdtar, kórme
Qazaqstan Respýblıkasynyń prezıdenti N. Á. Nazarbaevtyń sózi: «Biz Qazaqstannyń táýelsizdiginiń ońaılyqpen kelmegenin bilip ony qadirleýimiz kerek. Árbir Qazaqstannyń azamaty maqtanyshpen Eltańbany, Ánurandy, Týdy kóterýi kerek. Árbir azamat óz Otany úshin eńbek etýge, janyn qıýǵa mindetti.»

Barysy:
Qazaqstan Respýblıkasynyń Ánurany oryndalady.

Muǵalim: Armysyzdar, qurmetti ustazdar men táýelsiz elimizdiń ulaǵatty urpaqtary. Talaı ǵasyrlar boıy ata - babalarymyz erkindik pen táýelsizdik tańyn ańsap kelgen. Olar kóksegen armanǵa HH ǵasyrdyń sońyna qaraı qol jetkizdik. Sonyń arqasynda búgingi tańda óz baǵyt - baǵdaryn ustanǵan, órkenıet elder moıyndaǵan jeke memleketke aınaldyq. Bıyl táýelsizdigimizge 22 jyl. Osyǵan baılanysty onyń qadir - qasıetin oqýshylar boıyna sińirý, uǵyndyrý maqsatynda «Táýelsizdik – qazaqtyń san ǵasyrlyq armany.» atty ashyq tárbıe saǵatyn ótkizip otyrmyz. Tárbıe saǵatymyz saıys túrinde ótedi. Ózgesheligi saıysty úsh synyp (9 - 11 synyp) arasynda ótkizgeli otyrmyz. Ádil qazylar alqasymen tanys bolaıyq. Saıysymyzdyń sharttarymen tanys bolaıyq.

Saıystyń sharttary:
1. Maqal - mátel aıtý
2. Báıge
3. «Tapqyrlyq» saıysy
4. «Tilmar»
5. Jeti jumbaq
6. Úı tapsyrmasy. Poezıa mınýty
7. Tilek aıtý

Táýelsizdik jolynda talaı jandar qurban bolyp, elim dep eńirep ótkeni belgili. Talaı kezeń qıyn - qystaý, qýǵyn - súrgindi ata - babalarymyz basynan keshti. Qazaqstan Respýblıkasynyń prezıdenti N. Á. Nazarbaev: «Biz Qazaqstannyń táýelsizdiginiń ońaılyqpen kelmegenin bilip ony qadirleýimiz kerek. Árbir Qazaqstannyń azamaty maqtanyshpen Eltańbany, Ánurandy, Týdy kóterýi kerek. Árbir azamat óz Otany úshin eńbek etýge, janyn qıýǵa mindetti»- degen.
Týǵan jerdeı jat jerdiń bolmaıtyny – aqıqat,
Oǵan kóńiliń eshqashan tolmaıtyny – aqıqat.
Altyn torda altyn qus ósirseń de, bulbul qus
Ósken baǵy bolmasa, qonbaıtyny – aqıqat, - dep saıysymyzdy bastaımyz.

İ bólim. Bizdiń halqymyzda atamekendi ardaqtaý sezimi óte tereń, olar úshin týǵan jerdi qasıet tutý qanǵa sińgen minez, ejelgi dástúr. Bul tanym janymyzǵa ana sútimen taraǵan, ana tilimen daryǵan. Bizdiń maqal - mátelderimiz, naqyl sózderimiz týǵan jerdi, Otandy ardaqtaýǵa toly. Alǵashqy saıysymyz maqal - mátel aıtý. (Týǵan jer, Otan, batyrlyq, erlik týraly ózderińizdiń daıyndap kelgen maqal - mátelderińizdi aıtyńyzdar).

İİ bólim. Báıge. (Suraq - jaýap) Qarap turmaı báıgege erińiz,
Shákirtterge ádil sheshim berińiz.
Júzden júırik myńnan tulpar shyǵarar,
Báıge, báıge, báıgelerdi kórińiz!
Qazaqstan týraly ár synypqa 7 suraqtan beriledi. Ár jaýapqa 10 upaıdan beriledi.
9 synypqa suraqtar:
1. Qazaqstannyń astanalary bolǵan qalalardy ata.
Jaýaby:
2. 1919 - 1925jj. Qazaqstannyń astanasy - Orynbor qalasy,
3. 1925 - 1929jj. Qyzylorda qalasy.
4. 1929 - 1997jj. Almaty qalasy.
5. 1997j. Aqmola qalasy Astana atandy.
6. 1998j. Aqmola ataýy Astana bolyp ózgertildi.