InfoHub Logo

Taqyryby: Táýelsizdik – teńdesi joq baılyǵym.
Maqsaty: oqýshylardy elimizdiń qysqasha tarıhymen, memlekettik rámizderimen tanystyrý. Jeltoqsan oqıǵasy arqyly júzdegen jyldar boıy babalarymyzdyń armandaǵan egemendigine qol jetkizgenimizdi, osy táýelsizdikke jetý jolynda talaı bozdaqtarymyzdyń jalǵan aıyppen sheıit bolǵandaryn kórermenderge jete uǵyndyrý, oqýshylardyń dúnıetanymyn keńeıtý.
Kórnekilikteri: Memlekettik rámizder, taqyrypqa baılanysty jazylǵan plakattar, «Táýelsiz Qazaqstan» buryshy.
Barysy:
Júrgizýshi: Qurmetti ustazdar, oqýshylar, búgingi keshtiń qonaqtary!
Sizderdi elimizdiń eń úlken merekesi Táýelsizdik kúnimen quttyqtaı otyryp, búgingi táýelsizdiktiń 21 jyldyǵyna arnalǵan «Táýelsizdik – teńdesi joq baılyǵym» atty tárbıe saǵatymyzdy sizderdiń nazarlaryńyzǵa usynamyz.
Osydan 20 jyl buryn, ıaǵnı 1986 jyly Almatynyń bas alańynda jeltoqsan oqıǵasy boldy. Bul oqıǵa dúnıeni dúr silkindirdi. Ondaǵan jyldar boıy ishte jınaqtalǵan narazylyqtyń burq etýine Máskeýdiń respýblıka halqynyń pikirimen esh sanaspastan, el múlde bilmeıtin Reseıdiń Ýlánov oblystyq partıa komıtetiniń basshysy etip qoıýy sebep boldy. 1986 jyly jeltoqsandaǵy kóteriliske jastar jaman oımen barǵan joq. Olar beıbit jolmen táýelsizdikke qol jetkizý úshin qatysqan.

Qazaqstan Respýblıkasynyń memlekettik ánurany oryndalsyn!
1 - oqýshy:
Jalǵasyp soǵys órti san ǵasyrǵa,
Biz kórdik qas dushpannyń baltasynda.
Elime táýelsizdik kelip jetti,
Myń jyldyq kúresterdiń arqasynda.

2 - oqýshy:
Jańǵyrdy halqymyzdyń myń óshkeni
Bar munda san urpaqtyń úlesteri.
El úshin máńgilikke jalǵasady.
Aqyl - oı, ar - namystyń kúresteri.

3 - oqýshy:
Ulan-ǵaıyr dalam meniń keńdigim,
Uzaq kútti - aý elim meniń teńdigin
Ata - babam armandaǵan, ańsaǵan
Urpaqtary kórdi táýelsizdigin.

4 - oqýshy:
Táýelsizdik bizge ońaı kelmedi,
Kúreskerler osy kúndi kórmedi.
Qany menen janyn bergen erlerdiń
Esimderi bıikterge órledi.

5 - oqýshy:
Táýelsizdik kópten kútken baqytym
Ázer jetken baǵa bermes jaqutym
Órkendeı ber, peıili keń qazaǵym
Qalyqtasyn kók aspanda baq qusym.

Hor: «Jeltoqsan jeli»

Júrgizýshi: «Sálem saǵan, týǵan jer» ánimen ortada Joldasbaeva Gúljazıra
Júrgizýshi: 1986 jylǵy jeltoqsan oqıǵasyna bıyl 21 jyl toldy. Alańǵa shyǵyp óz oılaryn aıtýǵa tyrysqan qazaqtyń órimdeı qarýsyz jastaryna muzdaı qursanǵan soldattar men mılısıa qyzmetkerleri qarsy qoıyldy. Qyz - jigitterdi aıaýsyz taıaqqa jyqty, túrmege qamady. Qaırat Rusqylbekov, Erbol Spataev, Lazzat Asanova syndy jańa ǵana búrshik atyp kele jatqan talshybyqtaı jastarymyzdyń ómirin kókteı úzdi.
Endeshe sol jeltoqsan oqıǵasynyń qurbandaryn 1 mınýt eske alaıyq.

Júrgizýshi:
Toılanyp myń mereke ulys kúni,
Quıylǵan shańyraqtan yrys nury.
Halqymnyń baqyty úshin az baılyq pa,
Táýelsiz elimizdiń tynyshtyǵy.
İshki jaý balaǵyńnan qappasyn kep,
Syrtqy jaý pále - jala jappasyn tek.
Men árkez otyramyn Táýelsizdik,
Qadirin bilmegennen saqtasyn dep.

Bı. «Adaı» bıi
Án. «Týǵan jerim»

Júrgizýshi:
Baqtyń qusy ár adamǵa qonyp bir
O, Táńirim bizdi baqqa jolyqtyr!
Búgin mine, táýelsizdik aǵaıyn,
Ár qazaqtyń júregi bop soǵyp tur!...
Araılap atqan beıbit tańy bar, asý bermes asqar - asqar taýy bar keń jazıraly mekendi, qonaqjaı, jomart halqy bar elimiz – Qazaqstan. Biz 21 jylda únemi damý ústindemiz.

Hor. «Atameken»

Júrgizýshi:
Búgingi bizdiń derbes el bolyp, ýyǵymyzdy qadap, shańyraǵymyzdy kóterip, erikti erkin memleketimizdi quryp, Qazaqstan Respýblıkasy atanyp, kók baıraq týymyzdy jelbiretip álemge áıgili bolýymyzdyń ózi – osy táýelsizdikke qol jetkizýimizdiń arqasy. Olaı bolsa táýelsizdigimge shań juqtyrmaı ony eń qymbat buıymymyzdaı etip, qurmettep keler urpaqqa amanattap tapsyrýǵa tıispiz, ony ishki - syrtqy dushpandardan saqtaýǵa mindettimiz. Sonda ǵana Táýelsizdigimiz máńgilikke mıras bolmaq.

Hormen:
Qazaqstan!
Týymen tuǵyrly.
Eltańbasymen eńseli.
Ánuranymen aıbatty.

Qorytyndy:
Muǵalim: «Táýelsizdik – halqymyzdyń bostandyǵy men derbes damý jolyndaǵy san ǵasyrlyq kúres tarıhynyń nátıjesi» dep Prezıdentimiz Nursultan Nazarbaev aıtqandaı ońaı kelgen joq. Bul Táýelsizdik bizge qazaqtyń basy men julyn júıkesi Kenesary arqyly, qaıqy qara qylyshty Baýyrjan arqyly, ýyz sezimdi Qaırattar arqyly keldi. Sondyqtan ony aıalaýymyz kerek. Bizdiń elimiz kóptegen elderge tanyldy. Qaıda júrsek te Otanymyzdy maqtan tutýymyz kerek.
Táýelsiz 21 jyl týyńdy bıik ustadyń,
Kóterdi halyq ýaqyttyń qatal qyspaǵyn.
Kóshińdi bastap baqytty bolashaǵyńa,
Jasaı ber, jasa, Táýelsiz Qazaqstanym!

Tárbıe saǵatymyzdy «Qazaqstan bolashaǵy bizdiń qolda» uranymen aıaqtaımyz.