InfoHub Logo

AQSH-nyń profesory Gerbert Shıller «Zeıindi basqarýshylar» atty kitabynda bylaı deıdi:

«Teledıdar – tulǵanyń pasıv bolýyna yqpal etetin quraldardyń sońǵysy jáne eń áserlisi. Teledıdardyń kórermenderine qatysty jasalǵan statısıkalar dabyl qaǵarlyq deńgeıde. Amerıkalyqtar ár apta mıllıondaǵan saǵat, jyl saıyn mıllıardtaǵan saǵat aqylǵa qonymsyz enjarlyq ishinde teledıdar aldynda ótkizýde. Másele adamnyń fızıkalyq turǵyda pasıv bolýynda ǵana emes. Adamdar zeıindik turǵyda da toqyrýaýǵa ushyraýda. Birinen soń biri jalǵasatyn mánsiz baǵdarlama, shoýlar kórermenderdiń oılaý deńgeıin tómendetip, aqylyn soqyr qylýda. Adamdar aınalasyna syn kózben qaraı almaýda.»

Shıller osy kózqarasyn jazýshy Rýdolf Arnheımniń kitabynan alynǵan myna sózdermen jalǵastyrady:

«Teledıdar qasıetteriniń biri – ony qosýyńyz, ekranǵa berilgen nárseni kórýińiz jáne túpsiz tereńdegen pasıvtik qudyǵyna boılap bata berýińizde. Ekranda ne kórsetilip jatqany mańyzdy emes. Sheteldiń kınosy bolýmen qatar, eshkimdi qyzyqtyrmaıtyn nárse de bolýy múmkin. Biraz ýaqyttan soń az oılanatyn bolasyz, kórgen nárselerińizdi unatyp, kórkemdeı bastaısyz. Bireýler besigińizdi terbetip, sizdi qımyldamaýǵa úgittep turǵandaı. Kózderińiz ashyq bolǵanymen mıyńyzdyń terezesi jabylýda. Mıyńyz qalypty jaǵdaıdan bólek joldarmen áýrege salynýda, áýre de emes negizinde jaýlap alynýda. Sizdi júris-turysyńyz ben áreketterińizdi qalyptastyratyn sezimder budan bylaı teledıdar tarapynan jaýlap alynýda.»

Mine, eń áserli kúsh retinde qabyldanatyn teledıdardyń adamǵa aqparat berý sekildi paıdaly taraptarymen qatar, joǵaryda atalǵandaı keri áserleri de barshylyq.    

Oqýǵa keńes beremiz:

Teledıdar jáne otbasy

Teledıdardyń kózge zıandary

Jastar jáne teledıdar

Teledıdar jáne balalar

---