InfoHub Logo

Ashkózdik, toıymsyzdyq sezimi qaptap keledi. Kóp, odan da kóp, odan da myqtysyn, odan da abyroılysyn ıemdený qalaýy jáne bulardy adamdarǵa kórsetip maqtaný, osy maqtanýdan zaýyq alý óristep, keń etek jaıyp barady...

Úndi ańshylarynyń erekshe maımyl aýlaý tásili bar eken. İshi bosaǵan kokosty tesip (nemese qumyra alyp), jip ótkizip álgi kokosty qazyqqa nemese bir aǵashqa baılap qoıady eken. Sodan soń kokostyń taǵy bir shetinen jińishkelep jaryqsha ashyp, ishine tátti taǵam salyp qoıady. Bul jaryqshaǵa maımyldyń qoly ashyq kezde ǵana sıady, al qolyn judyryqtap jumyp alsa sımaıdy. Maımyl tátti taǵamnyń ıisin sezip jetip keledi. Qolyn kokostyń ishine salyp, tátti taǵamdy ýysyna toltyryp qolyn syrtqa shyǵarmaq bolǵanda tyǵyryqqa tireledi. Ashyq kúıde salǵan qoly jumylǵan kúıde syrtqa shyǵa qoımaıdy. Tátti taǵamǵa eliktirgen ashkózdik jumǵan qolyn ashqyzbaıtyndyǵy sonshalyq ańshylar kelgende de qasha almaıdy. Negizinde maımyldy ustap turǵan eshteńe joq. Ony ustap turǵan tek óziniń ashkózdigi. Qashýy úshin qolyndaǵy taǵamdy jiberýi jetkilikti edi. Biraq ashkózdiginiń myqtylyǵy sonshalyq mundaı qaqpannan qutylǵan maımyldar sırek kezdesedi eken. 

Osy mysaldaǵy sekildi bizdi qaqpanǵa túsiretin negizinde nápsilik qalaýlarymyz ben olarǵa degen táýeldiligimiz. Mysaldaǵy maımyl sekildi nápsimizdiń qurbanyna, qol jetkizgimiz kelgen nárseniń tutqynyna aınalýdamyz. Ýysymyzǵa túskender máńgilik qolymyzda qalatyndaı jarmasýdamyz.

---