InfoHub Logo

Áýe saparlarynyń tirshiligimizge qosatyn bolymdy áserlerimen qatar keıde bolymsyz áserleri de kezdesip jatady. Solardyń biri qulaq mazasyzdyǵy. Ásirese ushaqtyń qonýy kezinde qulaq ishindegi qysym ózgerisine baılanysty paıda bolatyn mazasyzdyqtar balalardyń úshten ekisinde, al eresekterdiń jartysynda kezdesedi eken. Qulaq bitelýi, jeńil aýyrsyný, qulaq ishi tolyp qalǵandaı sezim, qulaq shyńyldaýy jáne bas aınalýy sekildi jaǵdaılar oryn alýy múmkin. Mundaı keleńsizdikti boldyrmaýdyń joly – evstahıı tútigi (orta qulaqty muryn-tamaq jolymen ushtastyratyn tútik) arqyly orta qulaqtaǵy qysymdy retke keltirý jáne tynys alý joldarynyń áserin kóbeıtý.

Osy jaǵadaıǵa baılanysty keńester:

- Tynys joldary ınfeksıalary kezinde áýe saparlaryn múmkin bolsa, keıinge qaldyrǵan jón.

- Saǵyz shaınaý arqyly evstahıı tútigin ashyq qalýyn qamtamasyz etýge bolady.

- Muryn ashyq bolǵany jón. Bitelgen jaǵdaıda dáriger keńes bergen muryn spreıin qoldanýǵa bolady.

- Ushaq qonatyn kezde uıqtamaýǵa mán berińiz.

- Ata-analar qulaǵynda qysymdy sezine bastaǵanda, balalaryna sý berip, al sábılerin emizip kómektese alady.

- Ushaq qonatyn kezde qulaqqap (naýshnık), qulaq tyǵynyn qoldanbańyz.

- Esineý arqyly qulaq ishindegi qysymdy retke keltirýge tyrysyńyz. 

---