InfoHub Logo

Júrgizýshilerdiń kólik tizgindep bara jatyp telefonmen sóılesýine nemese ony paıdalanýyna tyıym salatyn erejeler eskirdi dep sanaıtyn sarapshylar bar. Olar zańnamaǵa ózgerister engizip, normalardy naqtylaýdy talap etýde.

Bul týraly Infohub.kz aqparat agenttigi habarlaıdy.

Qazaqstanda 12 naýryzdan bastap júrgizýshilerdiń kólik tizgindep bara jatyp telefonmen sóıleskeni jáne qaýipsizdik beldigin taqpaǵany úshin avtomatty túrde aıyppul salyna bastady. İshki ister mınıstrligi mundaı aıyppuldar boıynsha alǵashqy statısıkany qorytyndylaýǵa áli erte ekenin atap ótkenimen, avtokólik ıeleri alańdaýly. Olar áleýmettik jelilerde aıyppuldan qutylýdyń túrli amaldaryn izdep, tipti telefondy bas kıimge jasyrýǵa nemese jol kameralarynan jasyrý úshin kishkentaı qolshatyrlar satyp alýǵa deıin bardy. Alaıda, avtosarapshylardyń aıtýynsha, mundaı keńesterge ergen jaǵdaıda aıyppuldan qutylý bylaı tursyn, bul júrgizýshige qosymsha kedergi keltirýi múmkin.

Eski normalar men jańa tehnologıalar

Zańger Saıken Aısın telefondy paıdalanýǵa qatysty aıyppul normasynyń eskirgenin aıtady. Bul normalar knopoka telefondar dáýirinde jasalǵan, biraq búgingi tańda smartfondardyń keń taralýyna baılanysty qoldanysqa jaramsyz bolyp qalǵan.

«18 jyl buryn telefondar knopokaly bolatyn, olar tek sóılesýge jáne SMS jazýǵa arnalǵan edi. Al búgingi smartfondar navıgasıa, taksı qyzmetteri men kýrerlerdiń tapsyrys qabyldaýy sıaqty kóptegen mańyzdy fýnksıalardy atqarady. Keıde tipti aýa raıy nasharlaǵan kezde jolda kórýdi jaqsartý úshin de qoldanylady», – deıdi Saıken Aısın.

Sarapshynyń aıtýynsha, tipti polısıa qyzmetkerleriniń ózi rasıany paıdalanyp, qozǵalys kezinde ereje buzady. Normanyń anyq emestigi tańdamaly quqyq qoldanýǵa jaǵdaı týdyryp, sybaılas jemqorlyq táýekelderin týdyrýy múmkin.

Zańdy naqtylaý qajet

Avtoekspert Alekseı Alekseevtiń pikirinshe, zańnamany naqtylaý qajet.

«Shyndyǵynda, bul normany naqty túsindirý kerek. Qazir İshki ister mınıstrligi telefondy qandaı jaǵdaıda qoldanýǵa bolatynyn, al qandaı jaǵdaıda aıyppul salynatynyn túsindirip jatyr. Degenmen, bul normany zańda naqty kórsetý qajet. Sonda eshkim óz erkimen sheshim qabyldap, adam aıyppulǵa shaǵymdanǵanda sýdıanyń óz qalaýymen sheshim shyǵarýyna jol berilmeıdi», – deıdi Alekseı Alekseev.

Buǵan deıin polısıa kólik tizgindep bara jatyp telefondy qalaı paıdalaný kerektigin, aıyppul almaý úshin ne isteý kerektigin túsindirgen bolatyn. Basty shart – telefondy qulaqqa jaqyn ustamaý nemese qolynda ustamaý. Ony arnaıy tuǵyrǵa qoıyp paıdalanýǵa bolady, biraq onymen jumys isteýge bolmaıdy. Alaıda, bul jaýaptarda da aıqyndyq az.