InfoHub Logo

Telegram Android jáne iOS júıelerine arnalǵan 7.6 nusqasyn shyǵardy. Mundaǵy basty jańartý daýystyq chattarǵa jasalynǵan.

Endi daýystyq chattardy Telegram-daǵy arnalarda (kanaldarda) qurýǵa múmkindik berildi. Buǵan deıin ıaǵnı 2020 jyldyń jeltoqsan aıynan bastap Telegram-da daýystyq chattar tek toptarda ǵana qol jetimdi edi. Oǵan qosa budan bylaı tyńdaýshylar sanyna da eshqandaı shekteý joq.

Tikeleı efırdegi áńgimelerdi bir ýaqytta mıllıondaǵan adamdar tyńdaı alady. Bul arqyly árbir Telegram kanal endi (óz aldyna jeke) tolyqqandy radıostansıa bola alady.

Sonymen qatar, qosymshada daýystyq chattardy jazyp saqtap alý fýnksıasy da engizilgen. Efır aıaqtalǵannan keıin ony podkast retinde topqa júkteýge bolady.

Sondaı-aq endi uzaq ýaqyttyq daýystyq habarlamalardy tyńdaǵan kezde qaı jerden toqtasańyz, týra sol jerden bastap jalǵastyryp tyńdaýǵa múmkindik beretin fýnksıa da qosyldy.

Qanıa Tabys

---