InfoHub Logo

Qazaqstan qor bırjasyndaǵy (KASE) kúndizgi saýda sesıasynyń qorytyndysy boıynsha dollardyń ortasha saralanǵan baǵamy 4,91 teńgege ósip, 502,60 teńge boldy. Bul kórsetkish dollardyń 500 teńgelik «psıhologıalyq mejesin» qaıta attaǵanyn bildiredi.

Bul týraly Infohub.kz aqparat agenttigi habarlaıdy.

Ulttyq Banktiń 2 naýryzǵa belgilegen resmı baǵamy – 497,56 teńge.

Aıyrbastaý pýnktterindegi dollar baǵamy

Kurs.kz málimetinshe, Astana men Almatydaǵy aıyrbastaý pýnktterinde dollardyń ortasha baǵamy kelesideı:

Almatydaǵy aıyrbastaý pýnktterindegi ortasha baǵam:

Astanadaǵy aıyrbastaý pýnktterindegi ortasha baǵam:

Esterińizge sala keteıik, buǵan deıin Qazaqstan Ulttyq Banki valúta naryǵyndaǵy jaǵdaı men teńgeniń aqpan aıyndaǵy baǵamynyń ózgerýine qatysty pikir bildirgen bolatyn. Aqpan aıynyń qorytyndysy boıynsha teńge baǵamy 0,7 paıyzǵa nyǵaıyp, 497,69 teńgege jetken. Qor bırjasyndaǵy saýda-sattyqtyń ortasha kúndik kólemi aıyna 306 mıllıon dollardan 335 mıllıon dollarǵa deıin artty. Jalpy saýda kólemi 6,7 mıllıard dollardy qurady.

Sondaı-aq, 23 qańtarda Ulttyq Bank bazalyq mólsherleme boıynsha sheshim qabyldaǵan edi. Ol burynǵy deńgeıde – 18 paıyz bolyp saqtaldy. Ulttyq Bank tóraǵasy Tımýr Súleımenovtiń aıtýynsha, bul mólsherleme aldaǵy alty aıda osy deńgeıde qalýy múmkin. Bul ınflásıalyq qysymdy tejeýge jáne baǵanyń ósýin báseńdetýge baǵyttalǵan. Alaıda, eger bul sharalar jetkiliksiz bolsa, Ulttyq Bank aqsha-kredıt saıasatyn odan ári qataıtýǵa daıyn ekenin málimdedi.