InfoHub Logo

Sabaqtyń taqyryby: Tigin óndirisindegi tehnıka qaýipsizdiginiń jalpy erejeleri
Sabaqtyń maqsaty: Oqýshylarǵa tigin óndirisindegi tehnıka qaýipsizdik erejelerimen tanystyrý.
Sabaqtyń túri: aralas
Sabaqtyń tıpi: dástúrli
Sabaqtyń kórnekiligi: ınteraktıvti taqta.
Qural – jabdyqtar: dápter, syzǵysh, qalam.
Sabaqtyń barysy:
1. Uıymdastyrý kezeńi
a) Sálemdesý;
b) Oqýshylardy túgendeý;
v) Úı tapsyrmasyn suraý.

2. Jańa sabaqtyń qysqasha mazmuny:
Sehtarda jumys isteý tehnıka qaýipsizdigi jónindegi nusqaýlyqtan ótken qyzmetkerlerge eńbekti qorǵaý jónindegi qyzmet jabdyqtarynda derbes jumys isteýge jiberilgenderge ǵana ruqsat etiledi.
Qyzmetkerlerge jol berilmeıdi:
1) jumys ornyn bógde zattarmen ybyrsytýǵa;
2) sehta sirińke jaǵýǵa jáne ashyq otty qoldanýǵa;
3) óziniń tıesiligine sáıkes kelmeıtin quraldy nemese jaramsyz quraldy paıdalanýǵa;
4) iske qosylyp turǵan jabdyqty qaldyryp ketýge;
5) mashınanyń tabaldyryǵynda jáne onyń mańaıyna jýý - jaǵar zattaryn jáne boıaýlardy tógýge;
6) eger oǵan qajet bolǵan kezde birinshi kómek kórsetý múmkin bolmaıtyn úı - jaıda jalǵyz jumys isteýge;
7) sehta syrt kıimderdi saqtaýǵa, tamaq ishýge;
8) dabyl shamy janyp turǵan kezde jabdyqty qosýǵa;
9) alynyp tastalǵan nemese álsiz bekitilgen qorshaýlar kezinde jabdyqta jumys isteýge;
10) qaýipti aımaqtardy qorshamastan saqtyq quraldary jaramsyz jabdyqta jumys isteýge;
11) jaryq túsirgish armatýrasyz jáne sol jumys orny úshin jaryqtandyrýdyń normalaryna sáıkes kelmeıtin jaryqtandyrý kezinde jumys isteýge jol berilmeıdi.

Jumys bastalardyń aldyndaǵy eńbek qaýipsizdiginiń talaptary

Qyzmetker jumys bastalardyń aldynda:
1) oqýshy ózine qajetti oramal men aljapqyshty kıedi, onyń qaltalarynda eshqandaı da quraldar men saımandar bolmaýy qajet;
2) jýrnaldan onyń jaı - kúıi týraly jazbany qarap aldyńǵy aýysymnan jabdyqty qabyldaıdy;
3) jaǵatyn, sóndiretin, tejegish qurylǵylarǵa asa nazar sala otyryp jabdyqtyń jaramdylyǵyn teksere otyryp barlyq úıkelgen bólikterdi maılaıdy;
4) sheber, qorshaýlardy bekitýdiń jaramdylyǵy men beriktigin, bar bolýyn, jumys ornyndaǵy tazalyq pen tártipti tekseredi;
5) jalpy engizý óshirgishin sóndiredi jáne dabyl núktesin iske qosady;
6) mashına jaramsyz bolǵan jaǵdaıda seh sheberine baıandaıdy jáne jaramsyzdy jóndemeıinshe jumysqa kirispeıdi.

Jumys ýaqytyndaǵy tehnıka qaýipsizdiginiń
talaptary

Jabdyq iske qosylyp turǵan kezde:
1) durys qoıylmaǵan matany, nemese basqa jartylaı fabrıkatty túzetýge;
2) tesmalardy túzetýge jáne kıgizýge;
3) jabdyqty tazalaýǵa, maılaýǵa jáne ondaǵy kez - kelgen olqylyqtardy joıýǵa;
4) jabdyqty qaraýsyz qaldyrýǵa, qorshaýdy alýǵa, olarǵa súıenýge jáne minip turýǵa, sondaı - aq mashınanyń qozǵalystaǵy bólikterine jaqyndaýǵa jol berilmeıdi.
Jumys aıaqtalardaǵy tehnıka qaýipsizdiginiń
talaptary

Qyzmetker jumys aıaqtalarda:
1) mashınany toqtatady, basqarýdan ajyratady;
2) jumys ornyn tártipke keltiredi jáne oryndalǵan jumystyń jaı - kúıi týraly kúndelikke jazyp mashınany sheberge tapsyrady;
3) jalpy engizý óshirgishin sóndiredi;
4) arnaıy kıimdi, arnaıy aıaq - kıimdi jáne jeke qorǵanys quraldaryn sheship jeke shkafqa qoıady.
Apattyq jaǵdaılardaǵy tehnıka qaýipsizdiginiń
talaptary

Apattyq ahýaldar men jazataıym jaǵdaılar kezinde "toqta" túımeshesin basý nemese jalpy engizý óshirgishin sóndirý arqyly mashınany dereý toqtatý kerek.

Jabdyqty elektr jelisinen aǵytý mynadaı jaǵdaılarda dereý júzege asyrylady:
1) qozǵaltqyshtan nemese onyń qozǵalys retteýshi aparatýrasynan kúıik, tútin nemese ot ıisi shyqqan kezde;
2) motorlar men jabdyqtar ushqyndaǵan kezde;
3) qatty diril kezinde;
4) elektrenergıa berý toqtaǵan kezde.

Óndiristik (tehnologıalyq) prosesterge qoıylatyn tehnıka qaýipsizdiginiń talaptary
Paıdalanýǵa berilgen jabdyqty esepke alǵanda barlyq óndiristik prosesterge arnalǵan eńbek qaýipsizdiginiń talaptary tikeleı túrde uıymda ázirlenedi jáne ákimshilikpen bekitiledi.

Jumys aıaqtalǵannan keıin sehqa kelýge jol berilmeıdi.

Qorytyndy: Sabaqty qorytyndylaý arqyly oqýshylarǵa suraqtar qoıý.
1. Jumys bastalardyń aldyndaǵy eńbek qaýipsizdiginiń qandaı talaptary bar?
2. Jalpy tiginshige oramal men aljapqysh ne úshin qajet?
3. Tigin mashınasy men oqýshynyń araqashyqtyǵy neshe santımetr bolý kerek?
4. Apattyq jaǵdaılardaǵy qandaı qaýipsizdik erejelerin bilesińder?
5. Jumys sońyndaǵy qaýipsizdik erejeleri?