InfoHub Logo

TikTok-taǵy tanymaldylyǵymen elge tanylǵan Almaty oblysyndaǵy mektep dırektory Aqmonshaq Nurtaza qyzmetinen ketkenin málimdedi. Bul týraly ol óziniń Instagram paraqshasynda:

 «Bárin toqtattym. Mektep, áleýmettik jeli»
– dep jazdy.

Aqmonshaq Nurtaza buǵan deıin Dımash Qudaıbergenniń «Taý ishinde» ánine túsirilgen beınerolıgimen TikTok-taǵy chellenjge qatysyp, 3,1 mıllıon qaralym jınaǵan. Osy jetistigi oǵan Londonda ótetin konsertke joldama syılaǵan. Áleýmettik jelilerde belsendilik tanytyp, oqýshylarmen beıresmı formatta kezdesýler ótkizip, túrli jobalardy júzege asyrǵan.

Alaıda bul áreketter qoǵam tarapynan ekiushty pikir týdyrdy. Jeli qoldanýshylarynyń bir bóligi ony «balalarǵa jaqyn, jańashyl dırektor» dep qoldasa, endi biri «mektepke shoý emes, tárbıe men bilim kerek» dep qarsy pikir bildirdi.

Keıbir qoldanýshylar Aqmonshaq Nurtazanyń mundaı sheshim qabyldaýyna qoǵamdyq qysym sebep bolýy múmkin ekenin boljaýda:

«Qysym bolǵany anyq, tez synatyn qyz emes edi»,
«Bul Qazaqstanǵa bundaı dırektorlar jaqpaıdy»,
degen pikirler jıi aıtylýda.