InfoHub Logo

Tólebaı ańǵa shyǵypty. Tús aýa bere bir túlkini indetipti. İnge shybyq salyp alaıyn dep jatqanda, Eráli degen qajy kelip:

— E, baılansyn-aq, — dep inniń aldyna otyryp alypty. Tólebaı túlkini innen alyp shyǵyp, qulaǵyn kesipti de, «muntıtty degen — osy» depti. Odan soń quıryǵyn kesipti de, «shuntıtty degen — osy» depti de:

— Al, bar da, ana jaqta júrgen kóp túlkige aıt, — dep túlkini qoıa beripti.

Eráli qajy:

— Tólebaıdy jyn urǵan ba, ustap alǵan túlkisin qoıa bergeni nesi? — dep ashýlanyp, aýlyna qaıtyp ketipti.

Eráli ketken soń Tólebaı álgi túlkiniń izimen kele jatsa, kóp uzaı almaı, qansyrap jyǵylǵan eken. Túlkini baılap qaıtypty.

 

---