InfoHub Logo

Tómen temperatýrada buzylyp qana qoımaı, paıdaly qasıetterin joǵaltyp, túri men dámi ózgeretin ónimder bar. Bul oraıda tońazytqyshta saqtaýǵa bolmaıtyn azyq-túlik tizimin usynamyz.

 

Avokado

Eger tolyq pispegen avokadony tońazytqyshta saqtasańyz, jemis jumsara túskenimen, qabyǵy arqyly ylǵal sińiredi. Osy sebepti ony tońazytqyshta saqtamaǵynyńyz jón.

Kartop

Kartop ta sýyq súımeıitn kókónister qatarynan. 7 °S-den tómen temperatýrada tátti dámge ıe bolady. Al mundaı kartopty pisirgen kezde, quramyndaǵy kanserogendi akrılamdıd mólsheri artady. Atalǵan kókónisti saqtaýdyń tıimdi ádisi – qaǵaz paketke salyp, salqyn jerge qoıý.

Shokolad

Tómen temperatýrada saqtalǵan shokolad betinde aq tústi qabyrshaq paıda bolady. Sebebi sýyq saldarynan saharoza krıstaldar shokolad betine shyǵa bastaıdy. Nátıjesinde táttiniń bul túri dámin joǵaltyp, túri ózgeredi.

Tropıkalyq jemister

Tropıkalyq jemister tómen temperatýrada saqtalǵanda shirı bastap, zıandy zattar bóledi. Durysy olardy qaǵazǵa orap, bólme temperatýrasyndaǵy qurǵaq jerde saqtaý kerek.

Raıhan

Julynǵan gúl sıaqty, raıhandy da tamyryn sýǵa salyp saqtaý qajet. Tońazytqyshta saqtalǵanda japyraǵy solyp, hosh ıisi joǵalady. Sonymen qatar tońyzytqyshtaǵy ózge taǵamdar ıisin sińirip alady.

Úrme burshaq

Sýyqtyń áserinen úrme burshaqtyń túri ǵana emes, paıdaly qasıetteri de buzylady. Sondyqtan durys saqtaý úshin, muzdatyp qoıǵan jón.

Pıaz

Tońazytqyshtaǵy ylǵal saldarynan pıaz balǵyndyǵyn joǵaltyp, jumsaryp, tez buzylady. Oǵan qosa shamadan tys ylǵal zıandy baktrıalardyń paıda bolyp, kókónistiń kógerýine sep bolady.

Kofe

Eger kofe taǵamdar ıisin sińirip alǵanyn qalamasańyz, ony tońazytqyshqa qoımańyz. Ol sýyq pen ylǵal sebepterinen hosh ıisin joǵaltady. Durysy kofeni qarańǵy, qurǵaq ári salqyn jerde saqtańyz. Al uzaq ýaqyt saqtaǵyńyz kelse, muzdatqyshqa salyp qoıyńyz.

Záıtún maıy

Záıtún maıyn +12-16 °S temperatýra aralyǵynda saqtaý kerek. Al tońazytqyshta qatparlanyp, tunba túzilýi múmkin. Sonymen qatar maıdyń suıyqtan qoıý kúıge ózgerýi yqtımal.

Bal

Tońazytqyshtaǵy sýyq pen ylǵal krıstaldanýyna yqpal etip, bal ózindik qurylymyn, dámin jáne paıdaly qasıetterin ádettegiden jyldam joǵaltady. Durys saqtalǵan baldyń jaramdylyq merzimine shek joq. Ol úshin qutyǵa salyp, qaqpaǵyn myǵym jaýyp, bólme temperatýrasynda, qarańǵy jerde saqtańyz.

Qyzanaq

Qyzanaqtar tońazytqyshta dámdik sapasyn joǵaltady. Sebebi sýyq aýa kókónistiń pisý prosesin tejeıdi. Munymen qosa sýyq ári ylǵal aýa qyzanaq máıeginiń qurylymyna áser etedi.

Nan

Keı áıelder nandy tońazytqyshta saqtaıdy. Alaıda munyń saldarynan nan jyldam qatyp qalady. Sondyqtan artyq qalǵan nandy keptirip, qytyrlaq nan jasaǵanyńyz abzal.

Baıaldy

Qyzanaqpen týystas baıaldyǵa da tómen temperatýra jaǵymsyz áser etedi. Tońazytqyshta saqtaǵanda dámin joǵaltyp, jyldam solady ári daqtar paıda bolady. Sondyqtan bul kókónisti bólme temperatýrasynda saqtaǵanyńyz durys.

Banan

Tońazytqyshta saqtalǵan banan jyldam qaraıady. Eger dúkenniń jemis satylatyn bóliminen qaraıǵan banan kórseńiz, ol jemistiń piskendiginiń belgisi emes. Demek jemis tasymaldaǵan kezde durys saqtalmaǵan.

 

---