InfoHub Logo

Memleket basshysy Qasym-Jomart Toqaev «Digital Qazaqstan» jobasyn júzege asyrý boıynsha ótken jumys keńesinde bank sektoryndaǵy sıfrlyq ınfraqurylymdy damytý máselesine toqtaldy. Prezıdenttiń aıtýynsha, barlyq bankterdi mejbankovtyq QR-tólemderi men aýdarymdary, sıfrlyq teńgemen esep aıyrysýlardy qamtıtyn ınfraqurylymǵa qosylý mindetti. Alaıda, iri bankter bul talapty oryndaýdy kesheýildetip otyr.

Bul týraly Infohub.kz aqparat agenttigi habarlaıdy.

Sıfrlyq qarjy ınfraqurylymynyń mańyzy

Toqaevtyń aıtýynsha, bul ınfraqurylym tólem deldaldarynyń tizbegin qysqartý arqyly shyǵyndardy aıtarlyqtaı azaıtady. Bul azamattar úshin bank qyzmetterin jeńildetip, qoljetimdiligin arttyrýǵa baǵyttalǵan mańyzdy qadam.

IT-bızneske qoldaý jáne jasandy ıntellekt

Memleket basshysy sondaı-aq otandyq IT-bıznesti damytýǵa basymdyq berý qajettigin atap ótti. Ol Astana Hub bazasynda jaǵymdy kásipkerlik orta qalyptasqanyn, eksport kóleminiń bir mıllıard dollarǵa jýyqtaǵanyn aıtty. Prezıdenttiń pikirinshe, zıatkerlik menshik quryp, eksportqa baǵyttalǵan jobalarǵa memlekettik qoldaý kórsetilýi tıis.

Sonymen qatar, jasandy ıntellekt (JI) tehnologıalaryn ónerkásipke engizý jáne sıfrlyq tólem ınfraqurylymyn jetildirý máselelerine de erekshe nazar aýdaryldy. Toqaev JI-diń ekonomıkanyń naqty sektorynda keńinen qoldanylýy eldiń tehnologıalyq egemendigi men ekonomıkalyq ósimi úshin óte mańyzdy ekenin basa aıtty.

Ulttyq esepteý ınfraqurylymyn damytý

Keńes barysynda ulttyq esepteý ınfraqurylymyn damytý qajettiligi de sóz boldy. Bul eldiń sıfrlyq básekege qabilettiligin arttyrýǵa yqpal etedi.