InfoHub Logo

Tórehan Sabyrhan halyqaralyq dodada top jardy

Ispanıanyń La-Nýsıa qalasynda ótken Boxam Elite-2026 halyqaralyq týrnırinde qazaqstandyq boksshy Tórehan Sabyrhan jeńiske jetti. Bul jaıly Infohub.kz aqparat agenttigi habarlaıdy.

Jarystyń fınalynda Tórehan Sabyrhan úndistandyq Dıpakpen kezdesti. World Boxing nusqasy boıynsha álem chempıony ataǵy úshin ótken tartysty jekpe-jekte qazaqstandyq boksshy qarsylasynan basym tústi. Tórehan Sabyrhan tóreshiler sheshimimen 4:1 esebimen jeńiske jetti.

Jekpe-jek qalaı órbidi?

Alǵashqy raýndta Tórehan 0:5 esebimen utylyp qaldy. Alaıda, ekinshi jáne úshinshi raýndtarda qarsylasyna qarsy qysym jasap, jankúıerlerdiń qoldaýyna ıe boldy. Bul jeńis Tórehan Sabyrhan úshin 2026 jylǵy alǵashqy altyn medali boldy.

Tórehannyń jetistikteri

Tórehan Sabyrhan – Qazaqstannyń eń tanymal jas boksshylarynyń biri. Ol 2025 jyly Lıverpýlde ótken álem chempıonatynda top jardy. Sondaı-aq, 2024 jyly Chernogorıada ótken jastar arasyndaǵy álem chempıony atandy. Jasóspirimder men jastar arasynda Azıanyń tórt dúrkin chempıony.

Dıpak jaıly ne bilemiz?

Úndistandyq Dıpak – 2023 jylǵy álem chempıonatynyń qola júldegeri. Ol «Alyptardy jeńýshi» degen laqap atqa ıe bolǵan. Sebebi 2021 jyly Kýbok Strandja týrnırinde Olımpıada chempıony Shahobıdın Zoırovty jeńdi. 2023 jylǵy álem chempıonatynda qazaqstandyq Sáken Bıbosynovtan basym tústi.