InfoHub Logo

Belgili ánshi Aıdana Medenova jubaıy Alısher ekeýiniń otbasylyq ómiri týraly buryn kópshilikke beımálim jaıttardy aqtardy. Ánshiniń aıtýynsha, joldasymen tanysqanda ol boıdaq bolǵan, biraq buryn úılenip, ajyrasqan jáne eki balasy bar ekenin keıin bilgen.

Bul týraly Infohub.kz aqparat agenttigi habarlaıdy.

Otbasylyq jaǵdaı týraly ashyq aıtty

Aıdana Medenova jýrnalıs Aman Tasyǵanǵa bergen suhbatynda bul jaıtty qalaı sheshkenin baıandady. Jigittiń burynǵy nekesi men balalary bar ekenin bilgende, ánshiniń ózinde de suraqtar týyndapty. Alaıda, ákesimen aqyldasqannan keıin, onyń qoldaýymen Alısherge turmysqa shyǵýǵa sheshim qabyldaǵan.

«Men Alıshermen tanysqanda ol boıdaq edi, ózimen-ózi júrgen jigit boldy. Tórt jyl buryn úılengen eken, biraq aıyrylysyp ketken. Sol kezde onyń eki balasy bar ekenin bildim. Árıne, mende de suraqtar boldy: “Qalaı bolady? Kerek pe, kerek emes pe?” dep oılandym. Sosyn ákeme habarlasyp, bárin ashyq aıttym. “Osyndaı jigit bar. Oı-nıeti salmaqty, ózime unaıdy. Jaqsy adam. Biraq eki balasy bar” dedim. Ákem: “Unatyp tursań, nege bolmasqa? Nege turmysqa shyqpasqa?” dedi», – dep eske aldy ánshi.

Syılastyqqa negizdelgen qarym-qatynas

Búginde Aıdana Medenova men Alısherdiń otbasylyq ómiri syılastyq pen túsinistikke qurylǵan. Ánshiniń aıtýynsha, kúıeýiniń ata-anasy men birinshi áıeli de óte salıqaly jandar. Olardyń arasynda eshqandaı kelispeýshilik joq, tipti Alısherdiń birinshi jarymen de jaqsy qarym-qatynasta ekenin aıtyp ótti.

«Maǵan Alla solaı násip etti. Ata-enem de, kúıeýimniń birinshi jary da óte parasatty, sanaly adamdar. Eshqandaı ıntrıga joq. Bárine shúkir deımin. Alısherdiń birinshi jubaıymen de aralasyp turamyz», – dedi Medenova.