InfoHub Logo

AQSH prezıdenti Donald Tramp barlyq memleketterdi ıadrolyq qarýdan tolyqtaı bas tartýǵa shaqyrdy. Onyń aıtýynsha, qazirgi qarý-jaraq kólemi aqylǵa syımaıtyn deńgeıge jetken.

Tramp bul málimdemeni Fransıa basshysy Emmanýel Makronnyń Eýropa elderine ıadrolyq qorǵanys usynýǵa daıyn ekendigi týraly sózine jaýap retinde jasady.

"Eger barlyq elder ıadrolyq qarýdan bas tartsa, bul álem úshin keremet sheshim bolar edi. Bizde jáne Reseıde onyń sany óte kóp, al tórt-bes jyl ishinde Qytaı da osy deńgeıge jetýi múmkin. Iadrolyq qarýdyń kúshi shekten tys, ony baqylaý qajet", – dedi ol.

Tramp alǵashqy prezıdenttik merziminde ıadrolyq qarýdy azaıtýǵa baǵyttalǵan denýklearızasıa baǵdarlamasyn júzege asyrýǵa tyrysqanyn atap ótti. Onyń aıtýynsha, Reseımen kelissózder barysynda belgili bir jetistikterge qol jetkizilgen, sondaı-aq bul máseleni Qytaı basshysy Sı Szınpınmen de talqylaǵan.

Alaıda, 2020 jyly prezıdenttik saılaýda Djo Baıden jeńiske jetkennen keıin bul proses toqtap qaldy. "Endi biz bul máselege qaıta oralýymyz kerek. Men kelissózderdi jańǵyrtýdy qalaımyn", – dep málimdedi Tramp.

Qazirgi tańda AQSH, Reseı, Qytaı, Ulybrıtanıa, Fransıa, Úndistan, Pákistan, Soltústik Koreıa jáne Izraıl ıadrolyq qarýǵa ıe elder qatarynda.