InfoHub Logo

AQSH prezıdenti Donald Tramp eldi birden 66 halyqaralyq uıymnan shyǵarý jónindegi memorandýmǵa qol qoıdy. Bul qadam Vashıngtonnyń jahandyq ınstıtýttardaǵy qatysýyn qaıta qaraýdy jáne federaldyq shyǵyndardyń basymdyqtaryn ózgertýin bildiredi.

Bul týraly Infohub.kz aqparat agenttigi habarlaıdy.

Ne belgili

Aq úıdiń baspasóz qyzmeti 8 qańtar 2026 jyly áleýmettik jeli X-platformasynda qujatqa qatysty aqparat taratty. Málimdemege sáıkes, tizimge 31 Birikken Ulttar Uıymynyń (BUU) qurylymy jáne BUU júıesine kirmeıtin 35 uıym engen – barlyǵy 66 uıym.

Ákimshilik bul sheshimdi AQSH múddelerimen úılespeıtin nemese óz mandatyn tıimsiz oryndaıtyn qurylymdarǵa qatysýdy toqtatýmen baılanystyrdy.

Aq úıdiń ýáji

Memorandýmda atalǵan uıymdardyń bir bóligi «jahandyq basqarý» men klımat salasyndaǵy qatań bastamalardy alǵa tartyp, AQSH-tyń egemendigi men ekonomıkalyq basymdyǵyna qaıshy keletinin aıtylady. Ákimshilik baǵalaýynsha, amerıkalyq salyq tóleýshiler mıllıardtaǵan dollardy az qaıtarymdy baǵdarlamalarǵa jumsaǵan.

Sondaı-aq qujatta mańyzdy máselelerdi sheshýdegi tıimdiligi tómen ınstıtýttarǵa qarjy bólýge negiz joq ekeni kórsetilip, bul qarajatty basqa ulttyq maqsattarǵa baǵyttaý utymdy delingen.

Qandaı qadamdar jasalady

Federaldyq agenttikterge memorandýmdaǵy nusqaýlyqtarǵa saı múshelikti kezeń-kezeńimen toqtatý jáne qarjylandyrýdy qysqartý tapsyryldy. Prosestiń naqty kestesi men ár uıym boıynsha rásimderi bólek rettelmek.

Kontekst

Tramp ákimshiligi mundaı baǵytty buryn da ustanǵan. Prezıdent qyzmetine resmı kiriskennen keıin alǵashqy sheshimderiniń biri retinde AQSH-tyń Dúnıejúzilik densaýlyq saqtaý uıymynan (DDU) shyǵý prosesin bastaǵan. Keıin Parıj klımat kelisiminen qaıta shyǵý týraly da qujatqa qol qoıǵan edi.