InfoHub Logo

Tuńǵysh Prezıdent kúni merekesine arnalǵan senarı

1 júrg. Bar álemge shyn tanyldyq mine, biz,
Elin súıgen Elbasy dep bilemiz.
Teń atalyp Qazaqstan - Nursultan
Nursultan men Qazaqstan tur egiz.

Kúnge bettep bara jatyr kósh júrip,
Eldiń dańqy bar jahanǵa estilip.
Elbasyny qurmetteıtin erekshe
Armysyzdar, aq peıildi kópshilik!

2 júrg. Azattyq pen elge qondy tosqan baq,
Qazaq elin moıyndaýda dos tańdap.
Elbasynyń eńbegimen nurlana
Qazaǵymnyń mereıi tur aspandap.

Eli úshin olja salyp qıyrdan,
Yqpaǵan esh aýyrtpalyq, qıynnan.
Merekeńiz qutty bolsyn kópshilik
Elbasynyń qurmetine jıylǵan!

1 júrg. Ardaqty aǵaıyn, 1991 jyly 1 jeltoqsanda alǵash ret Qazaq SSR Prezıdentiniń jalpyhalyqtyq saılaýy ótip, ol saılaýda Nursultan Ábishuly Nazarbaev el Prezıdenti bolyp saılanǵany barshamyzǵa málim. Iaǵnı, óz taǵdyryn ózi aıqyndaýǵa alǵashqy qadam jasaǵan Qazaqstan úshin 1 jeltoqsan – memlekettilik tarıhynyń mereıli kúni sanalýǵa orny laıyqty.
2 júrg. Joǵary Parlamenttiń bekitýimen 2012 jyly 1 jeltoqsan Qazaqstanda alǵash ret – Tuńǵysh Prezıdent kúni memlekettik mereke retinde atalyp ótip, bul barshamyz úshin qýanyshty oqıǵa boldy. Elbasyna degen el qurmetin aıryqsha aıǵaqtaýǵa arnalǵan bul merekeniń dástúrlik is - sharaǵa aınalýǵa orny bar ekenin shynaıy sezimmen aıtyp ótýge týra keledi. Bıyl mine, taǵy da osy merekeni toılaǵaly otyrmyz.

Eli úshin kóterip nar júgin de,
Senimi nyq seziletin úninde.
Aty ozǵan dúnıedegi dúbirde
Nursultanmen kim maqtanbas búginde?!

1 júrg. Qazaqstan Memleketiniń Tuńǵysh Prezıdenti kúnine arnalǵan merekelik saltanatty jıyn ashyq dep jarıalanady.

G I M N
2 júrg. Azattyq, teńdik álemi,
Shattyqqa eldi bóledi.
Taǵdyry tarıh óreli
Kók týdyń jelbiregeni!

Kók Tý - án.
(Tý ustaǵan oqýshylar zaldyń 2 jaǵynan júrip ótip sahnaǵa turady.)
Mektep oqýshylarynyń montajy

1 júrg. Qazaqstan Memleketiniń Tuńǵysh Prezıdenti kúni merekesine baılanysty quttyqtaý sóz aýdan ákim _____________________ beriledi.
2 júrg. Kelesi sóz kezegi aýdandyq «Jas Otan» jastar qanaty uıymynyń atynan beriledi.

El tynysyn tereńinen tanyp keń,
Sharapaty bar adamǵa daryp teń.
Elbasynyń esimi bul tarıhta
Qalar anyq óshpes altyn árippen.

Qazaqstan Memleketiniń Tuńǵysh Prezıdenti kúnine baılanysty merekelik saltanatty jıyn jabyq dep jarıalanady.

G I M N
Kók Tý áni. Tý ustaýshylar shyǵyp ketedi.
Marapattaý rásimi
Tuńǵysh Prezıdent kúni merekesine baılanysty aýdanymyzdyń kórkeıýi men ekonomıkasynyń ósýine ózindik úlesin qosyp júrgen azamattar marapattalady. Marapattaý úshin aýdan ákimi __________________jáne aýdandyq máslıhattyń hatshysy_______________ortaǵa shaqyramyz.

Konserttik baǵdarlama
Bir basynda kemeńgerlik, danalyq,
Elin súıgen eli úshin jaralyp.
Sol kisideı bolsa - bolsyn ár alyp
Adamdyqtyń alasarmas úlgisi
Bir ózinen jatqany shyn taralyp
Búgin Tuńǵysh Prezıdenttiń kúnine
Ásem ándi shyrqata bir salalyq!

Nazarlaryńyzǵa aýdan ónerpazdarynyń merekelik konsertin usynamyz.

Qadirli kópshilik, Tuńǵysh Prezıdent kúni merekesiniń saltanatyn arttyrý maqsatynda oblys, respýblıka jurtshylyǵyna ónerimen tanylǵan, talantty ánshi, Qazaqstan Respýblıkasynyń mádenıet qaıratkeri Anna Výnder óz qoldaýshy ónerpazdarymen ásem ánnen jınaqtalǵan konserttik baǵdarlamasyn Sizderdiń alqańyzǵa usynǵaly kelip tur, qabyl alyńyzdar!

1.Tuńǵysh Prezıdent kúni merekesine baılanysty prezentasıany júkteý
2. Tuńǵysh Prezıdent kúni merekesine baılanysty prezentasıany júkteý