InfoHub Logo

Ózi alyp kemedeı,
Daýyldap yqpaıdy.
Sý shashyp,telegeı
Muhıttan shyqpaıdy.
(Kıt)

Basy doǵal,
Murty bar.
Aýzy apańdaı,
Urty bar.
Túri kıtke uqsaıdy.
(Jaıyn)

İlgegi bar dáý uzyn,
Kerip ashsa aýyzyn,
Sáýle shashyp tisteri,
Shaqyrady qoregin.
(Qarmaqshy balyq)

Qaýyrsyn murt shetinen,
Júzedi tek shalqalap.
Shabaqty sý betinen
Ońaı ustar qalqalap.
(Qarabaýyr jaıyn)

Qarasań kelbetine
Tumsyǵy naızadaı.
Shyǵaryp sý betine,
Qanatyn jaısa jaı,
Kóriner kemedeı,
Muhıtta telegeı.
(Jelkendi balyq)

Tumsyǵy – qaıyqtyń kúregi,
Aýzymen shóp súzip júredi.
(Eskektumsyq)

Maıshabaqpen saıyspaı,
Úıirip júrer basqara.
Tulǵasy uqsas qaıystaı
Shubatylǵan taspaǵa.
(Belbeýbalyq)

Qaptalǵan súıekti saýytpen,
Qoryqpas eshqandaı qaýipten.
Soıdıǵan tisteri qashaýdaı,
Qoregin asaýdaı – aq asaıdy – aı.
(Saýyttybalyq)

Týla boıy toly ıne,
Jaýyn kórse ol neme,
Edireıip búrtigi.
Turǵan túsi kóz kórip,
Shyǵa keler ózgerip.
Qarnyn úrlep alady,
Dopqa uqsaı qalady.
(Tikenqursaq)

Jaltyraǵan baýyry,
Quddy kómir tútigi.
Óziniń bar táýiri,
Sáýle shashar tútigi.
(Útikbalyq)

Qoshqyl jolaqty,
Erini saǵaqty.
Búkil denesi-
Terek teńgesi.
(Japyraqbalyq)

Sýda ósedi, ónedi,
Syrtqa shyqsa, óledi.
(Balyq)

Kúmispenen aptalǵan,
Teńgemenen qaptalǵan.
(Sazan)

Qomaǵaılyq jasaıdy,
Shabaqtardy asaıdy.
(Shortan)

Surqy bir qarys,
Itbalyqqa uqsaıdy.
Umtylǵanda – jolbarys,
Súńgip shabaq ustaıdy.
(Sýshylqara)

Jony qara taqtaıdaı,
Baýyry appaq maqtadaı.
Mekendeıdi muz –qardy,
Súıedi tek yzǵardy.
Bulǵańdaıdy, qashpaıdy,
Asyqpaıdy, saspaıdy,
Muz ústinde bıleıdi,
Biraq belin ımeıdi.
(Pıngvın)

Sýly jerdi mekendep,
Qurlyqta da sekendep,
Shybyn – shirkeı ańdıdy,
Jemge qashan jetem dep.
(Baqa)

Qanaty joq ushpaıdy,
Sý túbinde qystaıdy.
(Balyq)

Aıaǵy bar basy bar,
Arqalaǵan basy bar.
(Tasbaqa)

Degendeı eshkim tımesin,
Alypty qadap ıensin.
(Kirpi)

Jerdi meken etedi,
Kóldi de meken etedi.
(Baqa)

Myna siltemelerdi de qarap kórińiz:

Saıttaǵy barlyq jumbaqtar

Cýretti jumbaqtar

Logıkalyq jumbaqtar

Metagrammalar

Alfavıt, áripter jumbaqtar

Janýarlar men qustar

---