InfoHub Logo

Áleýmettik jelide Qostanaıdan ushyp kelgen jolaýshylardyń vıdeosy keń tarady. Bortserik ushaqtyń aýa raıynyń qolaısyzdyǵyna baılanysty Túrkistanǵa emes, Shymkentke qonatynyn habarlaǵan sátte jolaýshylar shyn kóńilden qýanyp ketken.

Kadrda bortserik: "Shymkentte qalǵysy keletinder qol kóterińizder. Bári qala ma? Onda sizderden týra jetkizip tastaǵanymyz úshin qosymsha aqy alamyz. Qazir komandırdiń nómirin aıtamyn, sol jerge aqsha aýdaryńyzdar", — dep qaljyńdaıdy.

Qostanaıdan Shymkentke tikeleı reıs joq bolǵandyqtan, kóp jolaýshy Túrkistanǵa ushyp baryp, odan ári taksımen júretin kórinedi. Bul joly aýa raıy olardyń ýaqytyn da, qarajatyn da únemdeýge kómekteskendeı.

Keı jeli qoldanýshylary ázil-shyny aralas: "reısi basqa qalaǵa qonǵanyna qýanatyn – qazaqtar ǵana shyǵar..." dep pikir qaldyrǵan.