tengrinews.kz
Túrkistan oblysynda aǵaıyndy jigitter esirtki óndirisin dóńgeletken
Túrkistan oblysynda esirtki óndirisimen aınalysqan aǵaıyndy eki jigittiń isi polısıanyń nazaryna ilindi. Olar Arys qalasynyń shetindegi jeke úıdi jaldap, iri kólemde sıntetıkalyq esirtki óndirisin uıymdastyrǵan.
Bul týraly Infohub.kz aqparat agenttigi habarlaıdy.
Tintý kezinde olardyń qolynan suıyq kúıdegi jarty tonnaǵa jýyq mefedron jáne 1,5 tonna prekýrsor tárkilendi. Sondaı-aq, esirtki óndirisine qajetti reaktor, kolbalar, magnıtti aralastyrǵysh, kanıstrler jáne basqa da qural-jabdyqtar alyndy. Atalǵan zattarǵa saraptama taǵaıyndaldy.
Eki aǵaıyndyǵa qandaı jaza keledi?
Qylmystyq kodekstiń 297-1-baby boıynsha, aǵaıyndylarǵa uzaq merzimdi, tipti ómir boıyna bas bostandyǵynan aıyrý jazasy kesilýi múmkin. Qazirgi ýaqytta kúdiktiler ýaqytsha ustaý ızolátoryna qamaldy.
İshki ister mınıstrligi esirtki óndirisine jol bermeıtinin jáne mundaı áreketterdiń jolyn kesý jumystary jalǵasatynyn málimdedi.
-
Kazakhstan's Armed Forces are set to integrate international judo standards into their training programs following a significant agreement.
-
Authorities in Turkistan region dismantled a major synthetic drug production facility, seizing nearly half a ton of mephedrone and significant precursor chemicals.
