depositphotos.com
Túrkistan oblysynda jasandy jańbyr jaýdyrý jobasy bastaldy: "Qazgıdromet" mán-jaıdy baıandady
Túrkistan oblysynda jasandy jańbyr jaýdyrý boıynsha pılottyq joba bastaldy. Bul týraly "Qazgıdromet" resmı málimdeme jasady.
Bul jobanyń alǵashqy kezeńinde 39 meteostansıanyń 2020-2024 jyldar aralyǵyndaǵy derekteri taldanyp, ǵylymı zertteýler júrgizildi. Atmosferalyq prosester men jer bederiniń erekshelikteri eskerile otyryp, Túrkistan oblysy osy pılottyq joba úshin eń qolaıly aımaq bolyp tanyldy.
Jasandy jańbyr jaýdyrý tehnologıasy tek tabıǵı túrde qalyptasqan, tik damyǵan bulttar bolǵan jaǵdaıda ǵana qoldanylady. "Qazgıdromet" mamandary bul áserdiń jergilikti jáne qysqa merzimdi sıpatta bolatynyn, klımattyq prosesterge nemese aýa massalarynyń qozǵalysyna áser etpeıtinin atap ótti.
"Qazgıdromet" jobaǵa ǵylymı-meteorologıalyq qoldaý kórsetedi. Buǵan atmosferany táýlik boıy baqylaý, spýtnıktik sýretter men sınoptıkalyq derekterdi taldaý, bult júıelerin qadaǵalaý jáne jaýǵan jaýyn-shashyn mólsherin baǵalaý kiredi.
Jınaqtalǵan derekter tehnologıanyń tıimdiligin ǵylymı turǵydan baǵalaýǵa jáne onyń aımaqtyń sý balansyn qoldaý men aýyl sharýashylyǵyna áleýetin zertteýge múmkindik beredi.
Bul joba Birikken Arab Ámirliginiń Ulttyq meteorologıalyq ortalyǵymen, Túrkistan oblysy ákimdigimen, Qazaqstannyń Jasandy ıntellekt jáne sıfrlyq damý mınıstrligimen jáne "Qazaeronavıgasıamen" birlesip júzege asyrylýda.
Bul týraly Infohub.kz aqparat agenttigi habarlaıdy.
-
Iýrısty Kazahstana vyrajaıýt obespokoennostrostom nezakonnyh vmeshatelstv v sýdebnye prosesy ı domınırovanıem "telefonnogo prava", chto podryvaet verý v pravosýdıe.
-
Obem nepogashennyh dolgovyh obázatelstv holdıńa Freedom ývelıchılsá s 469,5 mln do 1,26 mlrd dollarov za god. Razbıraemsá v prıchınah ı posledstvıah.
