tengrinews.kz
Túrkistan oblysyndaǵy kolej stýdentteri erler jataqhanasyn tazalaýǵa májbúrlendi
Túrkistan oblysyndaǵy kolej stýdentteri erler jataqhanasyn tazalaýǵa májbúrlengeni týraly daýly jaǵdaı áleýmettik jelide tarady. Vıdeoda stýdent qyzdar jataqhana ákimshiligi tarapynan qysym kórgenderin aıtyp shaǵymdanady.
Stýdentterdiń aıtýynsha, olardy erler bólmelerin, sonyń ishinde eden jýyp, dárethanalardy tazalaýǵa májbúrlegen. Qyzdar bul talapty oryndamaǵan jaǵdaıda, olardy jataqhanadan shyǵaryp jiberemiz dep qorqytqan.
Jarıalanǵan vıdeoda stýdentter men jataqhana qyzmetkerleri arasyndaǵy sóz talasy kórinedi. Qyzdar erler bólmelerin tazalaýǵa mindetti emestikterin aıtyp, talapty oryndaýdan bas tartqan.
Bul týraly Infohub.kz aqparat agenttigi habarlaıdy.
Túrkistan oblysy bilim basqarmasynyń jaýaby
Túrkistan oblysy bilim basqarmasy bul jaǵdaıǵa qatysty pikir bildirip, oqıǵanyń baqylaýǵa alynǵanyn, arnaıy komısıa qurylyp, jan-jaqty tekserý júrgizilgenin habarlady.
Vedomstvonyń málimetinshe, kolejdiń 1072 stýdentiniń 80-i jataqhanada turady. 23-25 aqpan aralyǵynda ótetin oblystyq spartakıadaǵa baılanysty is-sharaǵa qatysýshylardy ornalastyrý úshin bos bólmelerdi retke keltirý qajettiligi týyndaǵan. Er stýdentter bolmaǵandyqtan, bul ótinish qyzdarǵa aıtylǵan.
Nátıjesinde, basqarmanyń atap ótýinshe, stýdentter arasynda túsinispeýshilik bolǵan.
Aldaǵy sharalar
«Qazirgi ýaqytta stýdenttermen jáne olardyń ata-analarymen túsindirý jumystary júrgizilýde. Bilim basqarmasy stýdentterdiń quqyqtaryn, zańdy múddelerin jáne qaýipsizdigin qamtamasyz etýge basymdyq beredi. Budan bylaı mundaı jaǵdaılardyń aldyn alý jáne ishki baqylaýdy kúsheıtý boıynsha qosymsha sharalar qabyldandy», - delingen basqarmanyń málimdemesinde.
Tekseris qorytyndysy boıynsha kináli tulǵalarǵa quqyqtyq baǵa berilip, tıisti sheshim qabyldanady.
Buǵan deıin 2025 jyly Qazaqstanda shamamen 336,4 myń qala syrtynan kelgen stýdent bolǵany, olardyń basym bóligi Almaty, Astana jáne Shymkent qalalarynda shoǵyrlanǵany aıtylǵan edi. Sondaı-aq, Ǵylym jáne joǵary bilim mınıstrligi jataqhanada oryn tapshylyǵy 8 myń stýdentke jetýi múmkin ekenin boljaǵan.
-
Olımpıada chempıony Mıhaıl Shaıdorov óziniń jalaqysy týraly jarıalanǵan málimetterge qatysty pikirin bildirip, sporttaǵy jaǵdaıdy baıandady.
-
Aktıvy ızvestnogo kazahstanskogo bıznesmena Aleksandra Mashkevıcha preterpelı ızmenenıa posle ego smertı. Stalo ızvestno, komý pereshla ego dolá v krýpnoı kompanıı.
