Túrkistandyq ájeler Dımashtyń ánine bı bılep, belsendi ómir saltyn nasıhattady
Túrkistan qalasynda zeınet jasyndaǵy azamattardyń ómir sapasyn jaqsartýǵa baǵyttalǵan úsh «Belsendi uzaq ómir» ortalyǵy jumys istep tur. Alǵashqysy oblys ortalyǵynda ashylsa, suranysqa baılanysty ótken jyly «Bekzat» jáne «Otyrar» turǵyn alaptarynda №1 jáne №2 fılıaldary iske qosyldy.
Atalǵan ortalyqtarǵa kelýshi ájeler búginde bos ýaqyttaryn tıimdi ótkizip, bı men qolónerge den qoıýda. QR Mádenıet qaıratkeri, Túrkistan qalalyq Áıelder alqasynyń tóraıymy Uljan Mustafaeva olardyń belsendiligine dem berip, Dımash Qudaıbergenniń «Taý ishinde» ánine bı qoıýǵa bastamashy boldy.
Ortalyqtyń maqsaty – ardagerler men zeınetkerlerdiń áleýmettik belsendiligin arttyrý, densaýlyǵyna oń áser etý jáne qoǵammen baılanysyn nyǵaıtý. Munda zeınetkerlerge áleýmettik-medısınalyq, psıhologıalyq, quqyqtyq jáne aǵartýshylyq kómek kórsetiledi.
Búginde Túrkistan qalasynda 16 myńnan astam zeınetker turady. Qarıalarǵa qolaıly jaǵdaı jasalǵan ortalyqtar olardyń ómirge degen qulshynysyn arttyryp, belsendi ári salaýatty ómir saltyn ustanýǵa jol ashyp otyr.
You Might Also Like
-
Qasym-Jomart Toqaev memleket jáne qoǵam qaıratkeri Ravıl Shyrdabaevqa «Otan» ordenin, Qazaqstannyń eńbek sińirgen qaıratkeri Serik Toqpanovqa I dárejeli «Barys» ordenin saltanatty túrde tabystady.
-
Qazaqstanda maýsym aıynda avtonesıelerge degen suranys artady dep boljanýda. Bul jóninde Ulttyq bank ókili Oljas Kýbenbaev İ toqsan boıynsha bankter arasynda júrgizilgen saýalnama nátıjesine súıenip...
