InfoHub Logo

Qańtar oqıǵalarynan keıin 20 jylǵa sottalǵan Arman Jumageldıev, kópshilikke «Dıkıı Arman» laqap atymen tanymal tulǵanyń jeke ómirine qatysty jańa aqparat paıda boldy.

Bul týraly Infohub.kz aqparat agenttigi habarlaıdy.

Dızaıner ajyrasqanyn málimdedi

Kaktus.media saıtynyń málimetinshe, qyrǵyzstandyq dızaıner Aıkol Alıkjanova áleýmettik jelidegi paraqshasynda Jumageldıevpen ajyrasqanyn habarlaǵan. Onyń aıtýynsha, olardyń ortaq bir qyzy bar jáne jaqynda resmı túrde bólek ketken. Alıkjanova bul sheshimge bastamashy Jumageldıev bolǵanyn atap ótken. Sonymen qatar, ol aralarynda eshqandaı janjal nemese kelispeýshilik joq ekenin jetkizdi.

Aıta keteıik, Aıkol Alıkjanova – «Mıss Qyrǵyzstan – 2014» jáne «Mıss Internet KG – 2012» baıqaýlarynyń jeńimpazy. Qazirgi ýaqytta ol sán ındýstrıasynda dızaıner retinde tanymal.

Qańtar oqıǵalaryna qatysty sot úkimi

Eske salsaq, Qańtar oqıǵasy boıynsha júrgizilgen tergeý aıasynda Jumageldıevpen qatar birqatar tulǵalar jaýapqa tartylǵan. Olardyń qatarynda burynǵy depýtat Qaırat Qudaıbergen jáne UQK polkovnıgi Rýslan Ysqaqov bar.

Sot úkimine sáıkes, Arman Jumageldıev 20 jylǵa, Qaırat Qudaıbergen 8 jylǵa, al Rýslan Ysqaqov 15 jyl 6 aıǵa bas bostandyǵynan aıyryldy. Tergeý derekterine súıensek, aıyptalýshylar bir top adamdy kúsh qoldanyp ustap, zańsyz áreketter jasaǵan.

Bas prokýratýranyń málimetinshe, Jumageldıev 24 adamdy urlap, olardy Almatydaǵy Ritz Carlton jáne «Qazaqstan» qonaqúıleriniń avtoturaqtarynda zańsyz ustaǵan. Sonymen qatar, 6 qańtar kúni ol «Qazaqstan» qonaúıine kelgen jaqtastaryna qarý taratqany aıtyldy.