Túıe satýshy
Yǵy-jyǵy bazardyń ortasynda bireý jar salyp túıesin maqtap turady.
— Ózi nar túıe, túsi sary túıe, — dep sarnaıdy álgi satýshy. Ózin kór, kózin kór, kór de kór, bir kózi kór, kór de kór...
Nar túıeniń sulýlyǵyna, ári ıesiniń quıqyljyta taqpaqtap maqtaýyna qyzyqqan bir alýshy kelip, túıeni aınaldyra qaraıdy. Iesi taǵy da taqpaqtaı jóneledi. Alýshy unatady da, aqshasyn tólep, nardy jetelep kete barady.
Jolda aýyldastary oǵan: «Batyr-aý, túıeń soqyr ǵoı» depti. Qarasa nardyń shynymen-aq bir kózi joq eken. «Qap, myna satýshy meni aldaǵany», — dep túıe alýshy ashýlanyp, qaıtyp bazarǵa keledi.
— Otaǵasy, soqyr túıeńdi aldap satqanyń qalaı? — deıdi túıeniń ıesine.
— Ataı kórmeńiz, — deıdi túıe satýshy. Men eshqandaı alǵanym joq. Men sizge búkil bazardyń ortasynda aıǵaılap turyp: «Ózin kór, kózin kór, bir kózi kór, kór de kór», — dep aıtpadym ba?
Ańqaý alýshy baǵanaǵy taqpaq, oınaqy, syrly sózdiń maǵynasyn uqpaǵanyna sanyn bir soǵyp, «buıyrǵany osy bolǵan shyǵar» dep júrip ketedi.
You Might Also Like
-
Bir qus atyp alsa, on qus atyp aldym, — dep quryqqa syryq jalǵap, jel sózdi sýdaı sapyryp júrgen bir ańshy áńgime ústinde qyza-qyza kelip:
-
Baıaǵyda bir Syr qazaǵy jumysy bolyp, arqa eline barypty. Onan jurt:
