InfoHub Logo

UFC uıymynyń jeńil salmaqtaǵy qazaqstandyq faıteri Asý Almabaev Real American Freestyle (RAF) erkin kúres promoýshenimen kelisimshartqa otyrdy. Bul týraly lıganyń baspasóz qyzmeti habarlady.

Jańadan 10 sportshymen kelisimshart jasasqanyn málimdegen promoýshenniń qatarynda Asý Almabaev te bar.

Endi 32 jastaǵy sportshy UFC-de MMA erejelerimen ǵana emes, RAF lıgasynda erkin kúresten de baq synaıtyn bolady.

Asý Almabaevtyń RAF lıgasyndaǵy debúti ázirge josparlanbaǵan. Ol kelesi jekpe-jegin 27 maýsymda Bakýdegi Crystal Hall arenasynda UFC Fight Night 280 týrnırinde Charlz Djonsonǵa qarsy ótkizedi.

Esterińizge sala keteıik, buǵan deıin Asý Almabaev amerıkalyq Aleks Peresti ádemi jeńgen bolatyn. Úsh raýndqa josparlanǵan jekpe-jek merziminen buryn aıaqtaldy. Úshinshi raýndta qazaqstandyq faıter qarsylasyn aınalma soqqymen tań qaldyryp, keıin «gılotına» ádisimen jeńiske jetti.

Sáýirde RAF lıgasynda erkin kúresten álem chempıony, qazaqstandyq Rızabek Aıtmuhan óner kórsetken bolatyn. Alaıda, tıtýldyq jekpe-jeginde ol aty ańyzǵa aınalǵan Kaıl Snaıderge ese jiberdi.

Sondaı-aq, sol týrnırde UFC-diń orta salmaqtaǵy chempıony Hamzat Chımaevtyń da RAF promoýshenimen kelisimshartqa otyrǵany belgili boldy.