InfoHub Logo

UFC-diń ataqty faıterleri, eks-chempıondar Genrı Sehýdo men Kamarý Ýsman aralas jekpe-jek jankúıerleriniń qaı elde eń myqty ekenin talqylap, Qazaqstannyń jankúıerlerin erekshe atap ótti. Olardyń aıtýynsha, qazaqstandyq jankúıerlerdiń ynta-yqylasy men qoldaýy teńdessiz.

Bul týraly Infohub.kz aqparat agenttigi habarlaıdy.

«Qazaqstandaǵydaı jankúıerlerdi esh jerde kórgen joqpyn»

Genrı Sehýdo óz YouTube arnasynda júrgizgen talqylaýda Qazaqstan jankúıerlerin erekshe atap ótti. Ol: «Men barlyq jerde boldym. Biraq Qazaqstandaǵydaı jankúıerlerdi esh jerde kórgen joqpyn. Olardy eshkimmen salystyrýǵa bolmaıdy. Olar jaı ǵana jankúıer emes, naǵyz fanatıkter. Álemde budan artyq jankúıerler bar dep oılamaımyn», - dep málimdedi.

Shavkat Rahmonovtyń yqpaly

Kamarý Ýsman da Sehýdonyń pikirimen kelise otyryp, qazaqstandyq faıter Shavkat Rahmonovpen bolatyn jekpe-jegi týraly estelikterimen bólisti. Ol Rahmonovpen kezdesý múmkindigi týyndaǵanda, áleýmettik jelilerdegi qazaqstandyq jalaýshalar men komentarılerdiń kóptiginen óziniń mazasy ketkenin aıtty. «Ár jazbamnan keıin 4000-5000 myńdaı komentarı kelip túsetin. Barlyǵy qazaqstandyq jalaýshalar bolatyn», - dep eske aldy Ýsman.

Buǵan deıin de Genrı Sehýdo Shavkat Rahmonov pen Qazaqstan týraly jyly pikir bildirgen bolatyn. Qazaqstanǵa kelgen saparynda ol Tengri Sport tilshisine bergen suhbatynda Rahmonovty UFC-de jaqyn arada chempıon bolatynyn boljaǵan edi.

Aıta keteıik, Shavkat Rahmonov 2024 jyly Kamarý Ýsmanmen kezdesýi múmkin bolǵan. Alaıda, keıinnen Rahmonovtyń qarsylasy ırlandıalyq Ian Machado Gerrı bolyp, qazaqstandyq faıter ony jeńgen edi.