InfoHub Logo

Ýkraınada elıtalyq qurylys salasynda 460 mıllıon grıvendi (shamamen 4,8 mıllıard teńge) zańdastyrýmen aınalysqan uıymdasqan top áshkerelendi. Bul iske Ýkraına prezıdenti keńsesiniń burynǵy basshysy Andreı Ermak ta tartylǵan.

Bul týraly Infohub.kz aqparat agenttigi habarlaıdy.

Uıymdasqan toptyń áreketi

Ýkraınanyń Sybaılas jemqorlyqqa qarsy ulttyq búrosy (NABÝ) Andreı Ermaktyń Kıev mańyndaǵy elıtalyq qurylys jobalarynda 460 mıllıon grıvendi jymqyrǵan uıymdasqan topqa qatysy bar degen kúdikke ilingenin habarlady. Alaıda, «Ýkraınskaıa pravda» basylymynyń málimetinshe, Ermak óziniń kinásiz ekenin aıtyp, tek bir kóligi men bir páteri bar ekenin alǵa tartqan.

«Mıdas» operasıasy

2025 jyldyń 10 qarashasynda NABÝ jáne Sybaılas jemqorlyqqa qarsy is-qımyl prokýratýrasy (SAP) memlekettik sektordaǵy strategıalyq kásiporyndarǵa, atap aıtqanda «Energoatom» AQ-na yqpal etý boıynsha sybaılas jemqorlyq sqemasyn áshkereleý operasıasyn bastaǵan. Bul operasıa «Mıdas» dep ataldy.

2025 jyldyń 28 qarashasynda NABÝ qyzmetkerleri Ermaktyń úıine tintý júrgizgennen keıin birneshe saǵattan soń prezıdent Vladımır Zelenskıı ony qyzmetinen bosatty.

Qylmystyq toptyń qyzmeti

SAP bul qylmystyq uıymnyń negizgi qyzmeti «Energoatom» kompanıasymen jasalǵan kelisimsharttardyń qunynan 10-15 paıyzy kóleminde para alý bolǵanyn málimdedi. Quqyq qorǵaý organdarynyń anyqtaýynsha, zańsyz jolmen alynǵan qarajatty zańdastyrýmen aınalysqan toptyń keńsesi Kıevtiń ortalyǵynda ornalasqan. Olar arqyly shamamen 100 mıllıon AQSH dollary ótken.

Andreı Ermak 2020 jyldyń aqpanynan bastap Ýkraına prezıdenti keńsesin basqardy. Ol Vladımır Zelenskııdiń eń jaqyn serikteriniń biri jáne eldegi ekinshi yqpaldy tulǵa sanaldy.