InfoHub Logo

Qyzylorda oblysy, Qazaly aýdany,
Keńes odaǵynyń batyry Úrmásh Túktibaev atyndaǵy aýyl
B. Ábdirazaqov atyndaǵy №88 orta mekteptiń
mýzyka pániniń muǵalimi Batyrhan Nurymbet

«Uly jeńiske - Urpaqtan taǵzym» atty Uly Otan soǵysyń 70 jyldyǵyna arnalǵan ádebı - mýzykalyq keshtiń senarıi.

1 - Mýzyka fonymen(qaıǵyly) vıdeo - montaj kórsetiledi. «Qazaqstandyqtar Uly Otan soǵysynda»
«Ardagerler» óleńi. Oqıtyn Ramazan
Ardagerler – keshegi nar tulǵa jan
Jaýyna naızaǵaıdaı jarqyldaǵan
Eli úshin zaman júgin arqalaǵan
Otan úshin oq – ottan tartynbaǵan

Ardagerler – keshegi qyran babam
Ult úshin, urpaǵy úshin urandaǵan
Sizdersiz kelmes edi baqytty ómir
Sizdersiz kerek emes jyr – án maǵan

Ardagerler – shaıqalmas tirekterim
Sezseńder de jastyq shaq, kún ótkenin
Parasattyń úlgisin úzbedińder
Baqytty ómir, beıbitshilik tilekterin

Jaǵdaıyńa ózińniń qaramastan
Arpalystyń ajalmen jaǵalasqan
Rýhyńnan yzamen qandy kektiń
Dushpanyńdy qaıǵy men qara basqan

Ardagerler – aqyldy danasyńdar
Shejireniń bulaǵy bop aǵasyńdar
Asyl tastaı sanaýly qazynady
Jyldan jylǵa azaıyp barasyńdar

Keshegi qıyn kezeń qurdastary
Óter ýaqyt máńgige turmas bári
Biraq sizder máńgilik jasaısyzdar
Sizder máńgi tirliktiń jyr dastany.

1 - júr: Asyldardy ardaqtaýdan talmaıyq
Atalardyń arly isin jalǵaıyq
Armandar aı, ájeler aı, san jyldar
Úmitpenen jalǵyzyn kútken sarǵaıyp..

2 -: N. Tilendıev «Sónbeıdi áje shyraǵyń» oryn: Merýert Iganbergen
Mýzyka fony: qaıǵyly..........................
3 -: B. Nurymbet.«Batyr Úrmásh» vıdeo - mýzykalyq monolog. Vıdeo – montaj kórsetiledi. 8 mın
4 -: B. Nurymbet. «Batyr Úrmásh» áni
2 - Júr: Soǵys zańy - namys penen ar zańy
Sum soǵystyń derti aýyr, zarly áni
Taǵzym etip erlikpenen eldikke
Tek tileıik beıbit kúndi aldaǵy (Mýzyka fony..........................................)

5 -: «Atalar erligi - urpaqqa uran» ádebı - kórkem quttyqtaý.

1 - Soǵys degen qara túnek qaptaǵan
Aınalatyn qyzyl qanǵa aq ǵalam
Soǵys degen sýmańdaǵan sum ajal
Taǵdyrlardy tabanynda taptaǵan

2 - Soǵys degen jan alatyn shabarman
Órtengen gúl, ol úzilgen aq arman
Soǵys degen jesir áıel, jetim ul
Zarly ana, erte shashy aǵarǵan

3 - 1933 jyly Germanıa memleketiniń basyna fashısik qanquıly ıdeıany ańsaǵan Gıtler keldi. Ózimen nıettes Italıa, Japonıa memleketterimen odaqtasyp qarýly kúshterin nyǵaıtqan Fashısik evropa elderine shabýyldap olardyń birinen soń birin jaýlap ala bastady.

4 - 1941 jyldyń 22 maýsymy kúni Nemis - fashıs basqynshylary Sol kezdegi Keńes Odaǵy eli men aradaǵy kelisimdi buzyp 15 odaqtas memleketterdiń shekarasyna basyp kirip, beıbit jatqan shekara boıyn qanǵa bóktirdi.

5 - Kóptegen ulttar men ulystardan quralǵan Keńes Odaǵynyń halqy Otanyn, týǵan jerin jaýdan qorǵaý úshin bir kisideı atsalysyp, jan aıamaı zulym jaýmen aıqasqa tústi. Osylaısha İİ dúnıe júzilik soǵysy bastalyp ólim men ómir arpalysy bastaldy.

6 - Nemis basqynshylarymen soǵysta jeńiske jetýge Qazaqstan halqy, sonyń ishinde Qazaq halqy úlken úles qosyp ózderiniń ór rýhyn rastap, ar – namysyn taptatpaıtyn órli – ójet, batyr, qaharman el ekenin dúnıege dáleldedi