InfoHub Logo

1980 jyldyń shildesi, Terrı Foks qanǵa boıalǵan shortymen Kanada arqyly ,Úmit marafonynda júgirip barady. Ol ajal qushqansha, 143 kún boıy júgirdi.

Terrı Foks 1958 jyly Kanadada týylǵan. 1977 jyly Terrı oń tizesiniń aýyryp júrgenine shaǵymdanady, kóp uzamaı oǵan súıektiń qaterli isigi degen dıagnoz qoıylady.

Dárigerler Terrıdiń oń aıaǵyn tizeden joǵary kesýge májbúr bolady. Úsh jyldan keıin, jas atlet muhıttan muhıtqa deıingi aralyqty júgirip ótýge bel býady. Maqsaty — onkologıalyq aýrýlardy zertteýge qaıyrymdylyq qor jınaý. «Úmit marafonyn» uıymdastyrý arqyly ol ár kanadalyq azamattan bir dollar jınaýdy armandaǵan. Bir jyldan astam ýaqyt boıy, ol kúndelikti jattyqqan, óıtkeni saý adamnyń ózi mundaı aralyqty jattyǵýsyz baǵyndyra almaıtynyn jaqsy túsindi. 

Terrı Foks «Úmit marafonyn» 12 sáýir 1980 jyly bastady. Marafondy bastarda aıaǵyn Atlant muhıtyna malyp, ekinshi ret Vankýverde Tynyq muhıtyna malýdy kózdedi. Ol kúnine ortasha eseppen 42 km júgirip otyrdy, biraq ,syrqaty údeı tústi. Aıaǵyndaǵy protez kún saıyn syr berip, syrqaty janyna batty. Degenmen, úlken kúsh-jigeri jáne ózi sıaqty mıllıondaǵan naýqastarǵa kómektesemin degen nıeti - ony alǵa jeteledi. 

Alaıda, ol marafondy aıaqtaı almady. Qaterli isik ókpesine ótip ketkendikten ,Terrı Foks dıstansıany 1 qyrkúıek 1980 jyly úzýge májbúr boldy. 143 kún úzdiksiz júgirýden keıin ol Tander-Beı qalasyna (Ontarıo aýdanynyń soltústiginde) jaqyn mańda toqtady. Ol Núfaýndlend, Jańa Shotlandıa, Prıns Edýard araly, Nú-Bransýık, Kvebek pen Ontarıo aýdandaryn basyp ótip, barlyǵy 5 373 km júgirgen. On aıdan keıin, 23 jasyna jetpeı Terrı qaıtys boldy. 

1981 jyldyń aqpanyna deıin halyqtan Terrıdiń qoryna 24 mıllıon dollardan astam qarajat jınaldy, biraq eń bastysy, ol jalpaq jurttyń kóńilin aýdarta aldy. Endi Kanadada jáne álemniń 50-den astam elinde Terrı Foks atyndaǵy qaıyrymdylyq marafondary uıymdastyrylyp turady. Terrı Foks atyndaǵy qor onkologıalyq aýrýlardy zertteýge baǵyttalǵan. Terry Fox Run álemdegi qarajat jınaý jaǵynan eń úlken dara kompanıa retinde rekordtar kitabyna engen. Qazir, 25 jyl qarqyndy damýdan keıin, «Terrı Fokstyń Qory» 360 mıllıon dollarǵa deıin ósken, sol sebepti mıllıondaǵan adamdardyń arqasynda Terrı Fokstyń eńbegi esh ketpedi. 

Kanadalyq bılik muzjarǵyshty Terrı Fokstyń atymen atady. Keme sýǵa 1983 jyly jiberildi. 

 

 

 

 

---