InfoHub Logo

Qazaqstan Respýblıkasynyń Ulttyq banki 2026 jylǵy fýtboldan álem chempıonatynyń qurmetine arnalǵan koleksıalyq monetalardy aınalymǵa engizedi. Atalǵan monetalardyń sany shekteýli.

Bul týraly Infohub.kz aqparat agenttigi habarlaıdy.

Fýtboldan álem chempıonaty-2026

Ulttyq banktiń baspasóz qyzmeti habarlaǵandaı, 5 mamyrdan bastap «Sport» serıasy boıynsha FIFA World Cup 2026 koleksıalyq kúmis monetalary satylymǵa shyǵarylady. Monetalar 925 synamaly kúmisten jasalǵan, altynmen qaptalǵan, dıametri 37 mm, salmaǵy 20 gram jáne «proof» sapasynda daıyndalǵan. Onyń nomınaly – 1000 teńge.

Monetanyń reversinde chempıonatty qabyldaıtyn Kanada, AQSH jáne Meksıka elderiniń týlary beınelengen. Ortasynda «FIFA WORLD CUP 26 TM» jazýy bar, jer sharynyń sýreti salynǵan. Tómengi jaǵynda FIFA Kýbogy, al eki jaǵynda fýtbol alańyndaǵy oıynshylardyń sılýetteri ornalasqan.

Qazaqstannyń ishki naryǵyna arnalǵan monetalardyń sany – 1500 dana, al syrtqy naryqqa arnalǵany – 500 dana. Bul monetalar el aýmaǵyndaǵy barlyq tólem túrleri boıynsha, sondaı-aq bank shottaryna aýdarý, bankterde aıyrbastaý jáne aýystyrý úshin nomınaldyq qunymen qabyldanady.

Chempıonat týraly

2026 jylǵy fýtboldan álem chempıonaty – bul álemdegi eń iri fýtbol týrnıri. Ol AQSH, Kanada jáne Meksıka elderinde ótedi. Bul týrnırde alǵash ret 48 komanda qatysady. Oıyn 11 maýsym men 19 shilde aralyǵynda ótedi dep josparlanǵan.