InfoHub Logo

Qazaqstanda dollar baǵamynyń tómendeýi jalǵasýda. Bul jaǵdaıǵa qatysty eldiń Ulttyq bankiniń tóraǵasy Tımýr Súleımenov pikir bildirip, teńgeniń nyǵaıýyna áser etetin negizgi sebepterdi túsindirdi.

Jýrnalıserdiń "Nege dollar baǵamy únemi tómendep barady, nege óspeıdi jáne bul azamattarǵa qalaı áser etedi?" degen saýalyna Súleımenov ulttyq valútanyń nyǵaıatynyn aıtty.

"Bizdiń eksporttyq negizgi taýarymyz – munaıdyń baǵasy ósip otyr. Eksporttyq túsimder kólemi artqan saıyn, valúta naryǵyndaǵy usynys ta kóbeıedi. Bul, árıne, dollar baǵamynyń tómendeýine ákeledi", - dep túsindirdi Ulttyq bank basshysy.

Jýrnalıser dollarǵa aqsha salǵan qazaqstandyqtardyń qarajattarynan aıyrylyp qalýy múmkin ekenin jáne Ulttyq qor aktıvteriniń de dollarmen esepteletinin aıtty. Tımýr Súleımenov bul máselege qatysty bylaı dep jaýap berdi:

"Ulttyq qordyń aktıvteri dollarmen kórsetiledi jáne teńgege qaıta eseptelmeıdi. Al qazaqstandyqtarǵa keletin bolsaq, biz ınvestısıalyq keńester bere almaımyz. Biz tek qazaqstandyq teńgeniń turaqtylyǵyn aıta alamyz. Ótken jyly teńge joǵary tabystylyqty kórsetti. Halyqaralyq reıtıńterge súıensek, teńge qazirgi ýaqytta eń tartymdy valútalardyń biri bolyp sanalady. Bul ınvestısıalardy tartýǵa yqpal etedi", - dedi ol.

Buǵan deıin Ulttyq bank teńgeniń baǵamyndaǵy ózgerister naryqtyq faktorlarǵa baılanysty ekenin habarlaǵan bolatyn. Onyń ishinde ishki naryqta shetel valútasyna degen suranystyń tómendeýi de sebep boldy.