InfoHub Logo

Ánshi Tolqyn Zabırova óziniń «ulttyq bolmysy bólek, biraq jany qazaq» dep sıpattaıtyn kúıeýiniń qazaq ónerine sińirgen eńbegi jaıly aıtyp berdi. Óner ıesi «Tańsholpan» baǵdarlamasynda joldasy týraly jıi qoıylatyn suraqtarǵa jaýap berdi.

Bul týraly Infohub.kz aqparat agenttigi habarlaıdy.

Kúıeýimniń jany – qazaq

Tolqyn Zabırovanyń aıtýynsha, kúıeýi qazaq ónerine kóp eńbek sińirgenimen, ózin kópshilikke kórsetýge, nasıhattaýǵa asyqpaıdy. Onyń tabıǵaty sondaı, qolynan is keledi, biraq ózin jarıa etkisi kelmeıdi.

«Ulty qazaq bolmaǵanymen, jany da, táni de qazaq. Qazaq ónerine eńbek sińirip, júregi qazaq dep soqqan azamattyń biregeıi. Ózi Jambyl oblysynda týyp-ósken. 1,5 jastan áke-sheshesinen aıyrylyp, balalar úıinde tárbıelengen. Ómir boıy ózin qamshylap, osyndaı deńgeıge jetti», – deıdi ánshi.

Sahnaǵa shyǵarǵan tulǵalar

Zabırovanyń sózinshe, kúıeýi Ermek Serkebaev, Roza Baǵlanova sıaqty qazaq óneriniń maıtalmandarymen birge jumys istegen. Ol kóptegen óner adamdaryn sahnaǵa shyǵaryp, olardyń gastróldik jáne konserttik baǵdarlamalaryn daıyndaǵan.

«Qazaqkonserttiń gastróldik konserttik baǵdarlamalarymen 35 jyl aınalysty. Shoý-bıznestiń irgetasyn qalaǵan, kirpishin salyp ketken – meniń joldasym. Keıde «qazaq emes» degenderge aıtarym, meniń balalarym qazaq jerinde týyp-ósti, tólqujattarynda da qazaq dep jazylady», – dep qosty ánshi.

Shetelde bosaný usynysy

Ánshi ana atanar sátte shetelde bosaný týraly usynystardyń kóp bolǵanyn da jasyrmady. Alaıda, ol bul usynystan bas tartqan.

«Meniń elim, jerim – qazaq jeri. Balalarym da osy jerde týylady. Keıin qaı jerde turǵysy keletinin ózderi sheshedi», – dep túıindedi Tolqyn Zabırova.