Ustazym – ulaǵatym, úlgi — ónegem

Ustazdarǵa arnalǵan óleń shýmaqtary, ár pánge arnalǵan taqpaqtar

Fon. Mýzyka (slaıd qosý)

Birinshi bólim:

1. Fanfary. Oqýshylar sahnaǵa shyǵyp, arnaý óleńder oqıdy:

Bastaýysh

Men alǵash mektep esigin ashqanymda,
Kúnim bolyp kórindiń aspanymda.
Bilim bolyp egildiń jas janyma,
Gúliń bolyp tógildiń asqaryma.
Biz degende umytyp bala qamyn,
Qas qaǵymǵa qasyńnan tastadyń ba?
Bastaýysh apaılarym jas jadymda!

Geografıa

Sizbenen biz bar álemdi qıalmenen sharlaımyz,
Test oryndap, zertteý jasap, sabaqtardan qalmaımyz.
Siz kirgende dáý kartany qolǵa alyp esikten,
Geografıa, alma apaı keldi dep biz jaınaımyz.

Aǵylshyn tili

Úsh til bilgen orasan zor talaby,
Árqashanda ashyq — jarqyn qabaǵy.
Baqyt apaıdyń árbir bergen sabaǵy,
Máńgi, máńgi, máńgi esimde qalady.
Kúndelikten sabaq kestesin qaraımyn,
Aǵylshyn kórsem, neshinshi dep sanaımyn.
Til úıreter Gúlnar deıtin apaıdy,
Kóreıin dep mektepti tez qalaımyn!

«Good morning, teacher» dep bastaımyz onyń árbir sabaǵyn,
Baqylaımyz keıde biraz túıip kelgen qabaǵyn.
Nurzıla apaı sizge de alǵys aıtyp árqashan,
Túski aýysym arasynan ózińizdi tabamyn!

Hımıa

Bar ǵumyryn hımıaǵa arnaǵan,
Ol bilmeıtin eshbir element qalmaǵan.
Gúlmıra apaı sizge de úlken alǵys,
Hımıany oıǵa toqyp, úıretýden talmaǵan!

Bıologıa

Gen, RNK, DNK dep til qatqan,
Dúnıe degen turady eken sheshilmegen jumbaqtan.
— Sen ákeńe uqsaǵansyń, balam – aý, — dep bizderge
Yrysbúbi apaıymyz bıologıadan ún qatqan!

Hımıa

Baıan apaı – mektepte orny bólek,
Súıedi shákirtterińiz sizdi erek.
Tamyry tereńge tartqan nárli aǵashtaı,
Árqashan aman bolyp júrsin der ek.

Fızıka

Dúnıemen tanysýǵa bergen talaı kómegin,
Fızıkany eń mańyzdy pánniń biri der edim.
Ony úıretken Elmıra men Quralaıdaı apaılar,
Sizder barda fızıkamen sýsyndap men kelemin.

Matematıka

Qosyp, alyp, bólip taǵy kóbeıtken,
Sharshy aýdanyn taýyp, sandy teńeıtken.
Gúlbarshyn apaı, Asıa apaı myń alǵys,
Esepteýdi bizge talmaı úıretken!

Orys tili

Jas urpaqqa jalyndy
Sóz marjanyn darytqan.
Aldyndaǵy balamen,
Til arqyly tabysqan.
Orys tilin meńgergen
Úıretýdi jón kórgen
Balqıadaı, Gúlnardaı,
Saltanat pen Ǵanıdaı
Ustazdarymyz árqashan,
Urpaqqa jańa ón bergen!

Qazaq tili

Qazaq tilim, óz tilim, ana tilim,
Muhtar, Abaı sóılegen dana tilim.
Osy tildiń uqtyrǵan tereń syryn,
Shaızat apaı, Gúlsara apaı, Maqsat aǵaı,
Árqashan da bizderge bergen bilim.

Synyp jetekshi

Ustazym ekinshi anam aıalaǵan,
Bizderden bar bilimin aıamaǵan.
Jetekshi apaı sizge erekshe kóp alǵys,
Tańerteń kúnde qushaq jaıar aldan.

Ár adamǵa qurmetpenen qaraǵan,
Óz boıynan mol izgilik taraǵan.
Talap penen tártipti tek tý etip,
Gúlsinaı apaı sizdeı qaıda bar adam?!

2. Dombyramen arnaý aıtylady.

Negizgi bólim:

3. Júrgizýshiler sahnaǵa shyǵady:

1-júrgizýshi:
Armysyzdar bul keshtiń qonaqtary,
Halqymnyń árqashan da qonaq – baǵy!

2-júrgizýshi:
Armysyzdar, ustazdar, asyl jandar,
Shýaq bolyp kóńilge shashylǵandar!
Bilim berip bizderge talmaı, tynbaı,
Ǵylym, ilim, oqýǵa shaqyrǵandar!

3-júrgizýshi:
Danyshpan da, dana da oqyp senen,
Ataq — dańqyn asyrdy bar álemnen.
“Ustaz” degen aıaýly, asyl jandy,
Jaqsy kórem, arnaımyn jaqsy óleń!

1-júrgizýshi:
Eger ótken kúnge biraz sheginer bolsaq, osydan on bir jyl buryn biz qolyna álippe ustap, mektep tabaldyryǵyn endi attaǵan búldirshinder edik. Al búgin...

2-júrgizýshi:
Al búgin biz er jetip, uıasynan ushqaly turǵan bala qyran tárizdi kókke samǵaýǵa daıyn turmyz.

3-júrgizýshi:
«Tarydaı bolyp kiresiń, taýdaı bolyp shyǵasyń» degen osy eken. Búgingi tańda biz 11 — synypty aıaqtap, mekteppen qoshtasqaly turǵan jas urpaqpyz. Sondyqtan búgin biz 11 jyl boıy úzdiksiz bilim bergen ustazdarymyzdy qurmettep, merekelik keshimizdi sol jandarǵa arnaımyz!

Úsh júrgizýshi birge:
«Merekelerińiz qutty bolsyn!»

4. Hor «Ustazym»

Sahnaǵa 2 oqýshy shyǵady:

1-oqýshy:
Iá, bul kúnge de jetý úshin biraz ter tókkenimiz ras. «Bolarynan boladysy qyzyq» demekshi, bul merekege daıyndyǵymyz da qyzyqty ótti emes pe?

2-oqýshy:
Durys aıtasyń,........ Daıyndyǵymyzdyń qalaı ótkeni sizderge de qyzyq shyǵar, ıa, qurmetti ustazdar. Endeshe ekranǵa nazar aýdaraıyq. (ekranda múltfılmnen úzindi)

1-oqýshy:
Bilesińder me, dostar, ustaz degen qansha mamandyqtyń ıesi ekenin?

2-oqýshy:
Ony sanaý qıyn shyǵar, biraq ustaz, eń aldymen, shákirtine baǵyt beretin pedagog, onyń oıyn tyńdaıtyn psıholog, oqýshyǵa sabaq túsindirgende keıde akter de, ánshi de, tipti bıshi de bolady emes pe?

3-oqýshy:
Bıshi, ol da múmkin be? Negizi, men ustazdardyń bılegenin kórmeppin, ustazdar kózge qatal bolyp kórinedi emes pe?

1-oqýshy:
Endeshe, kórmeseń, baıqap kór. Qazir sahnaǵa bizdiń synyptas joldastarymyz «Tvıst» bıimen shyǵady. Al ustazdarymyz oqýshylardy qoldap, birge bıleıdi.

2-oqýshy:
A — a — a, sonda ustazdar óz zamanynda bolǵan mekteptegi dıskotekany bir esine túsiredi deseńshi.

3-oqýshy:
Endeshe, tamashalaıyq. «TVIST» bıi.

5. Bı. «TVIST»

Sahnaǵa 3 — 4 oqýshy shyǵady:

1-oqýshy:
Dostar, men senderge bir nárse aıtaıyn ba?

2-oqýshy:
Iá, aıtshy, ne ol?

3-oqýshy:
Muǵalim demekshi, balalar, osy apaılar bizden ár jyldyń sońynda qorytyndy emtıhan jumystaryn alady emes pe?! Maǵan bir oı kelip tur. Búgin biz — muǵalim, al muǵalimder – oqýshy bolsyn. Osy sátti paıdalanyp biz de ustazdarymyzdan synaq alaıyq. Endeshe ár ustaz myna sandyqshaǵa salynǵan bıletterden alyp, sol bılette jazylǵan suraqtarǵa jaýap bersin.

Ustazdarǵa arnalǵan suraqtar:

1. Sizdiń eń alǵashqy mahabbatyńyz.

2. Sabaqqa keshigip kelgen kúnderińiz boldy ma?

3. Túrik serıaldaryn úzbeı kóresiz be?

4. Agentke aptasyna neshe ret kiresiz?

5. Sizdiń eń jaqyn dosyńyz bar ma?

6. Bir án oryndap berýińizdi suraımyz.

7. «2» degen baǵany alyp kórdińiz be? Eger bolsa, ne úshin?

8. Sabaqta anekdot aıtqan kezderińiz boldy ma?

9. 11 «A» synybyna aıtatyn tilegińiz.

10. Baqytty bılet (sol bılette kelesi oryndalatyn ánniń aty jazylyp turady).

11. Án. «Kózińniń móldirin – aı» oqýshynyń oryndaýynda.

Sahnaǵa oqýshylar jeke-jeke shyǵyp, ustaz týraly óleń joldaryn oqıdy.

7. Án «Qazaqtyń qyzymyn» Albına

Sahnalyq qoıylym. «Mekteptegi bir kún»

Qoıylymǵa qatysatyndar: Azıza, Igilik, Aıajan, Aıdana, Ultýar, Almas

8. «Ózbek bıi» oryndaıtyn Ámiráli Ultýar

1-júrgizýshi:
Urpaqpen ómir joly jalǵanady,
Kóńildi kúnder týsyn aldan áli
Azızanyń «Lezgınka» deıtin bıi
Ustazdarym sizderge arnalady!

9. «Lezgınka bıi»- Ýtegen Azıza

2-júrgizýshi:
Osy men túsinbedim, búgin biz ózbektiń bıin bıledik, taý halqynyń bıin bıledik, tvıstti bıledik, áı, sonda qazaq bıin nege bılemeımiz? Sonda ne óz ultyńnyń óneri ózgelerden kem bolǵany ma? Qazaq bola tura, qalaı biz osylaı jasaımyz?

1-júrgizýshi:
Qazaqty jamandama, qazaq bala!
Halyq qoı qazaq degen az — aq qana!
Máńgilik Aı astynda, Jer ústinde
Qazaqtyń janashyry — qazaq qana!

3-júrgizýshi:
Qarsy alyńyzdar! Aldaryńyzda «Qazaq bıi» oryndaıtyn synybymyzdyń arý qyzdary.

10. Qazaq bıi

Sahna syrtynan 1-júrgizýshi:
Balalyq, senen artyq kúnim bar ma,
Bala kúnde boıymda minim bar ma?
Bárine jetem deımin, alam deımin,
Jas qıalda toqtalyp, tynym bar ma?

11. Án «Balalyq shaqtyń beketi». Oqýshynyń oryndaýynda.

Ánniń sońyna qaraı oqýshylar sahnaǵa shyǵady. Án oryndalyp bitken soń mektep ákimshiligine quttyqtaý sózin beredi.

Qorytyndy:

Sahnadaǵy ár oqýshy «Ustaz» degen sózge anyqtama beredi.

1-júrgizýshi:
Osymen, bizdiń merekelik keshimiz óz máresine jetti. Den qoıyp tyńdaǵandaryńyzǵa myń da bir rahmet. Kóriskenshe el aman, jurt tynysh bolsyn. Ustazdar, jumystaryńyz jemisti, shákirtterińiz alǵyr, ǵumyrlaryńyz uzaq bolsyn.