InfoHub Logo

Úı jınaýdyń esh qıyndyǵy joqtaı kórinedi. Shańdy súrte sal, edendi jý, shańsorǵyshty qos. Jaraıdy, al pesh ústine shashyrap, qatyp qalǵan maıdy ne isteımiz? Al betindegi torǵa jabysqan maıdy qalaı ketiremiz?

1. Lımon shyryny mıkrotolqyndy peshtegi daqtardy ketiredi.

Árıne, mıkrotolqyndy peshti jýýǵa arnalǵan qurylǵyny satyp ala salýǵa da bolady. Biraq onyń qansha turatynyn bilesiz be? Onyń arzan tásili bar. Mıkrotolqyndy peshte qyzdyrýǵa jaraıtyn ydysty alyp, oǵan jartylaı sý quıyńyz jáne ortasynan bólingen tórt lımonnyń shyrynyn sýǵa syǵyp qosyńyz. Jemisterdiń jartysyn sý men shyrynnyń qospasyna qabyǵyn betine qaratyp qoıyńyz da qyzdyryńyz. Sodan keıin sýdy tógip, lımondy tastaı salýǵa bolady, al mıkrotolqyndy peshti ylǵal shúberekpen súrtip shyǵyńyz – bári tap-taza.

2. Aınadaǵy daqtarǵa qarsy lımon shyrynyn paıdalanýǵa bolady.

Bir staqan sý men lımon shyrynynyń tórtten bir bóligin aralastyryp, pýlverızatorǵa quıyp aına men terezelerdi tazartýǵa bolady. Áınekke seýip, qurǵaq maılyqpen súrtip shyǵyńyz.

3. Qylshyqtarǵa qarsy qolǵap.

Kilem, dıvan jáne oryndyqtardyń jastyǵyna jabysqan úı janýarlarynyń júnderin qolmen jınaǵan durys. Ol úshin qolyńyzǵa rezeńke qolǵap kıip, ony sýlap, túktiń ústinen júrip ótý kerek. Qylshyqtar túıir bolyp jınala bastaıdy.

4. Qarapaıym soda arqyly kóptegen zattardy tazartýǵa bolady.

Mysaly kástról men tabanyń kúıik qabatyn ketirýge bolady. Ol úshin jarty staqan sirke sýyna jarty staqan qant pen eki shaı qasyq soda qosyńyz. Aldymen kástrólge sý men sirke sýynyń qospasyn quıyp qaınatyp alyńyz. Sý men sirke sýynyń qospasyn tógip tastańyz da, túbin sodamen tazartyńyz. Eger báribir qara daqtar qalǵan bolsa, sý men sodadan jasalǵan pastany jaǵyp, biraz ýaqytqa qoıyp qoıyńyz. Keıin muqıat jýyńyz.

5. Kafel arasynda jınalǵan daqty soda men eski tis shetkasy arqyly tazartýǵa bolady.

Soda jyldar boıy jınalǵan jáne qabyrǵa men edenniń qutyn qashyratyn kir, zeń, mıkroqoqysty jaqsy tazartady. Aldymen kafeldi jaqsylap jýyp alyńyz, keıin sý men sodadan jasalǵan pastany shetkaǵa jaǵyp, qýystardy tazartyp shyǵyńyz. Sosyn dymqyl shúberekpen súrtip shyǵyńyz.

6. Qaraıyp ketken kúmisti kechýp arqyly tazartýǵa bolady.

Kúmis ydystardykechýp quıylǵan ydysqa batyryp salyp, 5-10 mınýtqa qaldyryńyz. Keıin jyly sýmen shaıyp, qurǵatyp súrtińiz. Bul ádisti jez ydystarǵa da jáne kúmis áshekeılerge de paıdalanýǵa bolady.

7. As sodasymen tońazytqyshty ońaı tazalaýǵa bolady.

Bir lıtr sýǵa tórt shaı qasyq (toltyryp) as sodasyn salyp, tońazytqyshtyń sórelerin jýyp shyǵyńyz. Árıne, onyń aldynda toq qýatynan ajyratyp alyńyz.

8. Sý qubyrynyń betindegi aq mıneraldy daqtarǵa qarsy.

Sý qubyrynyń betindegi aq mıneraldy daqtar men sý tamshylarynyń ornyn lımon jaqsy ketiredi. Jarty lımonmen hromdalǵan qubyrdyń ústimen júrip ótińiz de, jumsaq shúberekpen súrtip shyǵyńyz.

9. Týraýǵa arnalǵan taqtaıdy tazalaý úshin tuz jáne lımon.

Eger aǵash taqtaı qaraıyp, kirlep ketse, betine tuz seýip jarty lımonmen basyp úıkeleńiz. Tazarǵan taqtaıdy sýmen shaıyńyz.

Aıtpaqshy, tuz jáne lımonmen rakovına, ýnıtazdy da tazalaýǵa bolady.

10. Grılge arnalǵan tordy tazalaý

Grılge arnalǵan tordy kúıikten tazartý óte qıyn. Biraq eger ony birneshe saǵatqa jyly sýda jibitip qoısa, al sýǵa antıstatıkpen (mundaı qurylǵy kóbine tehnıka men kompúterlerdi tazalaýǵa arnalǵan tazartqysh maılyqtarda bolady) dymqyldatylǵan birneshe maılyqty salyp qoısa, onda tazalaýmen másele bolmaıdy.

11. Ydys-aıaq jýatyn shuńǵylshańyzdaǵy jaǵymsyz ıis.

Eger sizdiń ydys-aıaq jýatyn shuńǵylshańyzda qoqys usaqtaǵysh tursa, oǵan lımonnyń birneshe bóligin tastap jiberińiz. As úıińiz hosh ıiske bólenedi.

12. Dýhovkany tazartý

Musatyrly spırt dýhovkany tazartýǵa taptyrmas qural. Jarty staqan musatyrly spırtti túnge istemeı turǵan dýhovkaǵa qaldyryńyz. Jabysqan maıdyń bári ózi túsip qalady, tek súrtip shyǵý kerek bolady.

---