InfoHub Logo

Uıymdastyrylǵan oqý is – áreketiniń tehnologıalyq kartasy
Bilimdik aımaǵy: Shyǵarmashylyq
Bólimi: Músindeý
Taqyryby: Úırek balapanynyń músini
Maqsaty: B. m: Balalardyń úlken - kishi, kóp, az, uǵymyn, dóńgelek jáne sopaqsha pishini týraly bilmderin bekitý. D. m: Ermeksazdy domalatýdy, barmaqpen shymshyp sozýdy úıretýdi jalǵastyrý. T. m: Ermeksazben uqypty, taza jumys isteýge tárbıeleý.
Kerekti quraldar: Balapan (úırektiń) oıynshyǵy. Sýret taýyq pen úırektiń, beınelengen kól sýreti, ermeksaz, taqtaısha, shúberek.

Qostildik komponent: Balapan – ptenchık, shóje – ptenes, úırek – ýtka

İs - áreket kezeńi. Tárbıeshiniń áreketi.
Shattyq № 65 Tárbıeshi balalardy «Kúnniń nuryn alaıyq» atty shattyq sheńberge turǵyzady. Balalar qımylmen kórsetedi
Sheńber bolyp turaıyq
Alaqandy ashaıyq.
Kúnniń nuryn alaıyq
Taza aýany jutaıyq
Júrekke jylý salaıyq
Meıirimdilik shoǵyn alaıyq. Jınalǵan jyly shýaqty. Qonaqtarǵa syılaıyq

Uıymdastyrýshylyq - izdenýshilik
Taýyq pen úırek sýreti boıynsha áńgimelesý.
- Myna sýretten ne kórip tursyńdar?
- Taýyq pen úırekti
- Bular úı qustary. Al olardyń balalaryn qalaı ataıdy?
- Balapan
- Taýyqtyń balapanyn «shóje», al úırektiń balapany «balapan» dep atalady.
- Taýyq pen úırek úlken, al shóje men balapan qandaı?
- Kishkentaı
- Taýyq qalaı dybystaıdy? Balalar qustardyń daýysyn salady
- Al úırek she?
- Úırektiń balapanyn qarastyrý.
Taqtada úırek balapanynyń sýreti (eki túrde kórsetilgen. Bireýinde úırek balapanynyń sýreti bolsa, ekinshisinde úırektiń balapanynyń pishini basy – dóńgelek, denesi sopaqsha túrinde kórsetilgen)
- Balalar taqtadan neniń sýretin kórip tursyńdar?
- Balapannyń sýretin
- Qaı qustyń balapany? - Úırektiń
- Ekinshi sýrettegi balapannyń sýretiniń dene bólikteri qandaı pishinge uqsaıdy? - Basy dóńgelek, denesi – sopaqsha.
- Qane, dóńgelekti, sopaqshany aýada syzyp kórseteıik.
- Biz búgin ermeksazdan úırek balapanyn músindeımiz.
- Balapannyń túsi qandaı eken?
- Sary

- Endeshe sary tústi ermeksazdy alamyz. Balalarǵa kómektesip jeke jumys júrgizedi
- Ol úshin eki bólikten turatyn ermeksazdy qoldanamyz. Kishi bóligi – basyn domalatyp domalaq jasaımyz. (kórsetý)
- Úlken bóligi – denesin sopaqsha etip jasaý úshin domalatyp, alaqanǵa salyp basamyz, al tumsyǵyn, quıryǵyn barmaqpen shymshyp sozamyz.
Usaq motorıkaǵa arnalǵan jattyǵý:
«Qazym, qazym qańqylda»
Qazym, qazym, qańqylda
Kólde júzip sańqylda
Jem shashaıyn, jeısiń be?
Kámpıt bershi deısiń be?
Joq, joq, joq!
Kámpıt - tátti, bolmaıdy as
Arpa menen bıdaı shash

Refleksıvti - túzetýshilik
- Búgin biz ermeksazdan ne jasadyq? - Balapan
- Qaı qustyń balapany? - Úırektiń
- Neshe bólikten jasadyq? - Eki bólikten basy, denesi
- Denesin jasaý úshin ne istedik? - Domalatyp, alaqanmen bastyq
- Al, tumsyǵyn, quıryǵyn qalaı jasadyq? - Shymshyp, sozdyq
- Al, endi balapandardy kólge jibereıik.
- Jasaǵan balapandaryn kólge jiberedi

Kútiletin nátıje:
Neni bilýi kerek: Balapan úırektiń balasy ekenin bilýi kerek
Neni ıgeredi: Balapannyń dene bólikterin ataı alady
Neni biledi: Ermeksazdy úırek balapanynyń músini jasaı alady