InfoHub Logo

Qazaqstannyń eńbek sińirgen qaıratkeri, tanymal ánshi Meırambek Bespaev óziniń Instagram paraqshasynda ákesi Ábiláshim Istaıulynyń týǵan kúnimen quttyqtaýyn jarıalady. Ánshi ákesimen birge 1987 jyly túsirilgen eski sýretti bólisip, oǵan arnap jyly lebizderin bildirdi.

Bul týraly Infohub.kz aqparat agenttigi habarlaıdy.

"Áketaı, týǵan kúnińizben! Uzaq ǵumyr tileımin!" – dep jazdy óner ıesi.

Jelidegi oqyrmandar da ánshiniń ákesin quttyqtap, oǵan zor densaýlyq pen uzaq ǵumyr tiledi. "100 jas jasańyz!", "Qazaq dalasyna Meırambekteı tulǵany syılaǵan ákege rahmet!", "100 jasyńyzdy búkil el bolyp toılaıyq!" – degen sıaqty pikirler kóptep jazyldy.

Meırambek Bespaev týraly

Meırambek Ábiláshimuly Bespaev 1976 jyly 7 qarashada Jambyl oblysy, Talas aýdanynda dúnıege kelgen. Ol – belgili ánshi, termeshi, akter jáne "MýzART" tobynyń múshesi.

Óner jolyn jastaıynan bastaǵan Meırambek Bespaev Taraz qalasyndaǵy mýzykalyq mektepte, keıin Almatydaǵy K.Baıseıitova atyndaǵy mýzykalyq mektepte bilim alǵan. 1994-1998 jyldary T.Júrgenov atyndaǵy teatr akademıasynda akter mamandyǵy boıynsha oqydy.

Ánshiniń repertýarynda qazaqtyń kórnekti kompozıtorlarynyń ánderi bar. Sondaı-aq, ol "Qoshtasqym kelmeıdi", "Ǵashyq júrek" fılmderinde akter retinde de tanyldy.

Meırambek Bespaev "Daryn" memlekettik jastar syılyǵynyń laýreaty, "Mádenıet qaıratkeri" medalimen, Qazaqstannyń eńbek sińirgen qaıratkeri ataǵymen jáne "QR Táýelsizdigine – 25 jyl" medalimen marapattalǵan.