InfoHub Logo

QR Bilim jáne ǵylym vıse-mınıstri Sholpan Karınova 4-toqsanda oqýshylar qalaı bilim alatyndyǵyn túsindirdi.

«1 sáýirde 4-toqsan bastalady. 4-toqsanda oqýshy sany 300-ge deıingi mektepterde bir synypta oqýshy sany 25 bala jınaqtalyp, shtattyq rejımde oqý jalǵasady. Sonymen qatar 4-toqsanǵa engizilip otyrǵan jańa format – jasyl jáne sary aımaqta aralas oqytý barlyq synyptar úshin usynylady. Osy rette birqatar máselege nazar aýdar qajettigin eske salamyn. Birinshiden, karantın talaptary qatań saqtalýy tıis. Bul rette bilim basqarmalary, ár mekteptiń ákimshiligi tıisti sanıtarlyq talaptardy saqtaý jumysyn tolyq júrgizýi qajet. Ekinshiden, áleýmettik araqashyqtyq, oqýshylar men pedagogtardyń jeke gıgıenasy saqtalýy kerek. Munan bólek, oqýshylar aýyrǵan jaǵdaıda ne naýqastarmen baılanysta bolǵanda jáne ata-ananyń ótinishine oraı qashyqtan oqytý múmkindigi saqtalady», - dedi ol mınıstrliktiń apparat jınalysynda.

Onyń atap ótýinshe, 4-toqsanda negizgi pánder shtattyq rejımde, al mýzyka, eńbek, ınformatıka, quqyq negizderi, grafıka jáne jobalaý, kásipkerlik negizderi syndy pánder qashyqtan oqytylady.

Ár synypta 15 baladan aspaýy tıis. Al sabaqtardyń uzaqtyǵy 40 mınýtqa sozylady. «Qazirgi ýaqytta keı óńirler qyzyl aımaqta turǵany belgili. Bul - táýekeli joǵary óńirler. Onda sabaq 3-toqsandaǵydaı formatta jalǵasady. Demek, 1-5 jáne 9 ben 11 synyptarda aralas oqytý formaty qoldanylady. Basqa synyptar qashyqtan oqı beredi», - dedi Sholpan Karınova.

---