InfoHub Logo

Pánniń aty: Til damytý
Sabaqtyń ataýy: Haıýanattar baǵynda
Maqsaty: Balalarǵa haıýanattar baǵy týraly túsinik berý, jabaıy ańdar týraly bilimderin tıanaqtaý. Ańdardyń keıbir erekshelikterin salystyra aıtýǵa úıretý arqyly oılaý qabiletterin damytý. Jan - janýarlardy qorǵaýǵa, qamqor bolýǵa, súıispenshilikpen qaraýǵa tárbıeleý.
Kútiletin nátıje kórsetý, túsinik berý, oıyn, suraq - jaýap
ańdardyń, tordyń sýretteri, oıynshyqtar, sýretter.

Psıhologıalyq ahýal
Shattyq sheńber
Jarqyrap búgin atty kún.
Shashyp bizge shapaǵyn.
Tileımin sizderge aq tańnyń
Qýanyshyn shattyǵyn.
Ótken sabaqty qaıtalaý.
F. Ormanovtyń «Jan anam» óleńin jatqa aıtý.
Bilip tursyń, jan anam,
Mindeti úlken botańnyń.
Kúteri sol baladan
Ana menen Otannyń.

Maǵynany taný
«Janýarlar álemi» atty mátindi oqyp beremin. Osy mátin arqyly álemdegi eń úlken janýar - kók kıt, eń uzyn janýar - kerik týraly málimet beriledi.
Suraq - jaýap ádisi arqyly mátinniń mazmunyn aıtqyzý. Balalarǵa janýarlar álemi týraly teledıdardan, beınetaspalar kórýge bolatyndyǵy jáne kóptegen kitaptar bar ekeni aıtylady. Astana qalasyndaǵy «Muhıt araly», Almaty qalasyndaǵy haıýanattar parkinen kóptegen janýarlardyń túrin kórýge bolatyndyǵy aıtylyp, olardyń sýretteri kórsetiledi.
Tynyshtyq sátin ótkizý.
- Biz búgin bárimiz dostarymyzben haıýanattar baǵyna saıahatqa
shyǵaıyq.

Aınalaǵa qarańdarshy. Ne degen kóp ańdar, saıraǵan qustardyń úni qandaı tamasha! Janýarlardy qorǵaý kerek. Olardyń sany azaıyp bara jatyr.
Sózdik jumysyn júrgizý.
Haıýanat - jan - janýarlardyń jalpy ataýy.
Haıýanattar baǵy - jan - janýarlardy bir araǵa jıyp, kópshilikke kórsetý sharalarymen shuǵyldanatyn mekeme.
Sýret boıynsha áńgime júrgizý.
Dápterdegi haıýanattar baǵy beınelengen sýretti paıdalanyp, áńgime qurastyrady. Balalar pedagogtiń kómegimen torda turǵan qasqyr, aıý, kójek týraly áńgimeleıdi.
Qasqyr - ıt tuqymdas janýar. Túsi sur. Ony jyrtqysh deıdi. Qasqyrdyń balasyn bóltirik dep ataıdy.
Qoıan - uzyn qulaq jabaıy janýar. Qoıandy úıde de asyraıdy. Onyń túsi appaq, sur bolady. Ol - óte qorqaq ań. Qoıannyń balasyn kójek dep ataıdy.
Aıý - iri deneli, ıkemsiz janýar. Ol - jyrtqysh ań. Aq aıý, qońyr aıý, qara aıý bolady. Aıýdyń balasyn qonjyq dep ataıdy.
Sondaı - aq pil, múıiztumsyq, jolbarys, t. b. ańdar jáne qustar, baýyrymen jorǵalaýshylar (jylan, kesirtke, tasbaqa, qoltyraýyn) týraly da qysqasha maǵlumat beriledi, sýretterin ne solar týraly túsirilgen fılm kórsetýge bolady.
Qoıan, aıý, qasqyr sózderin qatystyryp, birneshe sóz tirkesterin qurastyrý. Mysaly, qorqaq qoıan, sur qoıan, appaq qoıan, ań aıý, qorbańdaǵan aıý, sur qasqyr, t. b.
Jumbaqtar sheshý.
Qalqıyp uzyn qulaǵy, eleńdep, qorqyp turady..
Sheshýi: qoıan.
«Adasqan kójekti haıýanattar baǵyna jetkiz» dıdaktıkalyq oıyny. Shytyrman joldardyń ishinen baqqa aparatyn joldy syzyp kórsetedi.

Muǵalim: Sarmoldaeva M.
Haıýanattar baǵynda júkteý