InfoHub Logo

Ejelgi Ystambuldyń sulýlyǵyn kórýge asyqsyz ba? Biraq sapardyń qanshaǵa túsetinin bilmeı júrsiz be? Biz Astanadan eki adamǵa arnalǵan 5 kúndik únemdi sapardyń shyǵynyn eseptep shyqtyq.

Bul týraly Infohub.kz aqparat agenttigi habarlaıdy.

Ushaq bıleti – eń úlken shyǵyn

Astana men Ystambul arasyndaǵy ushaq bıletiniń baǵasy maýsymǵa, aldyn ala qanshalyqty erte alǵanyńyzǵa jáne áýe kompanıasyna baılanysty ózgeredi. Orta eseppen, bir adamǵa eki jaqqa bılet 170-220 myń teńge aralyǵynda. Eki adamǵa bul soma 350-450 myń teńgege deıin jetedi.

Turý: Ekonom nusqalar

Qymbat qonaqúılerdiń ornyna, qarapaıym otelder men shaǵyn qonaq úılerdi tańdasańyz, bir túnge 12-20 myń teńge jetkilikti. Bes túnge eki adamǵa shamamen 60-100 myń teńge jumsalady. Mundaı nusqalardy Ystambulda, ásirese týrısik ortalyqtarǵa jaqyn jerlerde kóptep kezdestirýge bolady.

Tamaqtaný: Jergilikti dámder

Qymbat meıramhanalardan aýlaq bolsańyz, tamaqtaný shyǵyny da shamaly. Kóshedegi taǵamdar, shaǵyn kafeler men jergilikti asqanalar arqyly kúnine bir adamǵa 10-15 dollar (shamamen 4,5-7 myń teńge) jumsalady. Bes kúnge eki adamǵa 50-75 myń teńge jetedi.

Qala ishindegi kólik

Ystambulda qoǵamdyq kólik – metro, tramvaı, avtobýs – qalany aralaýdyń eń tıimdi joly. Istanbulkart arqyly tóleý yńǵaıly ári arzan. Bes kúnge eki adamǵa kólik shyǵyny 10-15 myń teńge bolady.

Kórikti jerler: Tegin jáne aqyly

Ystambulda tegin tamashalaıtyn oryndar kóp: ásem meshitter, tarıhı kósheler, jaǵalaýlar, bazarlar. Alaıda, Topkapy saraıy, Galata munarasy sıaqty tanymal oryndarǵa kirý aqyly. Eki adamǵa bul shyǵynǵa 20-40 myń teńge qarastyrýǵa bolady.

Qorytyndy esep

Jalpy alǵanda, Astanadan Ystambulǵa eki adamǵa arnalǵan 5 kúndik únemdi sapardyń quny shamamen 500 myńnan 680 myń teńgege deıin jetedi. Bul – tek jobalyq esep. Árkim óz qalaýy men múmkindigine qaraı shyǵyndy ózgerte alady.