Zańger: «Adal eńbekpen otbasyn asyraǵysy keletinder memlekettik qyzmetke barmaıdy»
Zańger Erjan Esimhanov memlekettik qyzmet pen jekemenshik sektordaǵy jalaqy aıyrmashylyǵyn synap, bul faktordyń memlekettik apparatqa sapaly kadrlardyń kelýine kedergi bolyp otyrǵanyn aıtty.
Onyń aıtýynsha, memlekettik qyzmette 10 jyldan astam eńbek ótili bar maman jekemenshik sektordaǵy áriptesine qaraǵanda 2–3 ese tómen jalaqy alady. Al 15–20 jyldyq tájirıbesi bar ákimder men mınıstrlerdiń 2 mıllıon teńge kólemindegi jalaqysy kópshilik tarapynan jıi synǵa ushyraıdy.
– Jekemenshik sektorda dál sondaı maman 5–6 ese joǵary jalaqy alady. Otbasyn asyrap, adal eńbegimen tabys tapqysy keletin azamattar memlekettik qyzmetten qashqaqtaıdy. Bul adamı kapıtaldyń sapasyna tikeleı áser etip otyr, – deıdi zańger.
Mamannyń pikirinshe, memlekettik qyzmettiń tartymdylyǵyn arttyrmaıynsha, bul salada kadr tapshylyǵy men kásibı deńgeıdiń tómendeýi jalǵasa beredi.
You Might Also Like
-
Tuńǵysh prezıdent Nursultan Nazarbaevtyń jubaıy Sara Alpysqyzynyń qazasy týraly aqparatty baspasóz hatshysy Aıdos Úkibaı resmı túrde joqqa shyǵarǵanymen, keıbir aqparat quraldary bul málimetti joqqa sh...
-
JENEVA. Dúnıejúzilik densaýlyq saqtaý uıymynyń (DDU) bas dırektory Tedros Adanom Gebreıesýs Jenevada ótken 78-sessıada temekige qarsy kúres nátıjelerimen bólisti. Onyń aıtýynsha, sońǵy 20 jyl ishinde...
