InfoHub Logo

Sabaqtyń taqyryby: Zat esim.
Sabaqtyń maqsaty: Jattyǵýlar men tapsyrmalar oryndaý arqyly oqýshylardyń zat esim týraly alǵan bilimderin eske túsirý, keńeıtý
Mindetteri:
1. Zat esim týraly alǵan bilimderin tıanaqtaý, pysyqtaý.
2. Sózdik qoryn, til baılyǵyn jetildirý, oılaý qabiletterin arttyrý.
3. Saýatty, kórkem jazýǵa, ózara yntymaqtastyqqa, shapshań oılaı bilýge baýlý.
Kórneki - quraldar: ınteraktıvti taqta, kompúter, Microsoft PowerPoint prezentasıasy, baǵalaýǵa arnalǵan kórnekilikter
Sabaqtyń túri: pysyqtaý sabaq

Sabaqtyń barysy:
I. Uıymdastyrý kezeńi.
1) Psıhologıalyq daıyndyq oryndaý.
Jarqyrap kún de ashyldy,
Aınalaǵa nur shashyldy.
Qaıyrly kún! Biz kóńildi balamyz,
Qaıyrly kún! Sálemdesip alamyz.
Maqsatymyz - bilim alý,
Mindetimiz - eńbektený
Eńbektený arqyly
“5 “- ke qoldy jetkizý!
Jumbaq
Bilesińder Kim? Ne? suraǵyn,
Sóılemde oı ıesi bolamyn
Ne istedi? suraǵymen,
Kórkeıemin, tolamyn. (Zat esim)

Biz búgingi sabaqta «Zat esim» taqyryby boıynsha alǵan bilimimizdi bekitemiz. Iaǵnı qaıtalaý sabaǵy. Zat esim degenimiz ne? Onyń suraqtary qandaı? Mysal keltir.
Búgingi sabaǵymyzda kememen saıahatqa shyǵamyz. Qane bárimiz kemege otyraıyq. Kememiz ornynan qozǵalý úshin sózjumbaqty sheshýimiz kerek jáne tapqan sózderimizge suraq qoıyp otyramyz.

Jaraısyńdar balalar! Kememiz ornynan qozǵaldy. Kememen kele jatqanda bos otyrmas úshin dápterlerimizdi ashyp búgingi kúnniń jadyn jazaıyq.
Kórkem jazý. Zz árpi Zaman
Bizdiń kememiz toqtap qaldy. Aldymyzdan qustar kezdesti olar bizdi saıahatymyzdy jalǵastyrý úshin myna tapsyrmany oryndaýymyzdy suraıdy.
Óleńdi oqyp, zat esimderdi taýyp suraq qoıýymyz kerek.
1 - tapsyrma
Baǵynda bul balalar
İni,
Ápke,
Aǵa bar.
Oıynshyqtar mol onda:
Mashına,
Arba,
Shana bar.

Jaraısyńdar, balalar! Kememiz ári qaraı qozǵaldy. Biraz jol júrgennen keıin kememiz taǵy toqtap qaldy. Aldymyzdan balyqtar kezdesti olardyń da bizge berer tapsyrmalary bar eken.
2 - tapsyrma
Sózderdi oqy. Kim? ne? suraqtaryna jaýap beretin sózderdi eki bólek jaz.
Ata, kirpish, shyny, apa, saǵat, aǵataı, qant, inishek, taýyq, kepter

Kim? ---------------- Ne?
Ata ------------------ kirpish
Apa ----------------- shyny
Aǵataı ------------- saǵat
İnishek ------------- qant
---------------------- taýyq
---------------------- kepter
Jaraısyńdar balalar! Saıahatymyzdy ári qaraı jalǵastyraıyq kememiz ornynan qozǵaldy endi kemede otyrǵan Dáýren degen balaǵa kómekteseıik. Ol sózderdi tómendegishe toptap jazǵan. Onyń toptaýyndaǵy qatelerdi tabaıyq.
Aǵashtar: emen, qaıyń, shyrsha, apelsın.
Jemister: almurt, shabdaly, júzim, shıe, qaraǵaı.
Qustar: bulbul, kógershin, qarǵa, laq, saýysqan.
Tólder: qozy, buzaý, bota, qulyn, úki

VI. Sergitý sáti:
Appaq bolyp tań atty,
Tútin tik bop shyǵady.
Gúlge qonǵan kóbelek,
Samǵap bıik ushady.
Qoıýlanyp qara bult,
Tókti jańbyr sebelep.
Japyraqty jamylyp,
Buǵa qaldy kóbelek

Balalar kememiz taǵy toqtap qaldy. Endi aldymyzdan sý perisi kezdesti onyń da bizge berer tapsyrmasy bar eken.
It úredi. Qasqyr ulıdy. Qarǵa qarqyldaıdy. Átesh shaqyrady.

Jaraısyńdar balalar! Endi bizdiń qanshalyqty esimizde kóp saqtaıtynymdy bilý úshin «este saqtaý» dıktantyn jazaıyq.
Shash, bas, qulaq, muryn, qol, aıaq, tyrnaq, erin, saýsaq, til.

İH. Qorytyndylaý:
1. Zat esim degenimiz ne?
2. Zat esimderge qandaı suraqtar qoıylady?
3. Zat esimge mysal keltirý.

H. Úıge tapsyrma:
Kúndelikti endi ashaıyq
Úı tapsyrmasyn jazaıyq.
Búgingi alǵan bilimdi,
Umytpaı este saqtap alaıyq.
145 bet 5 - jattyǵý. Maqaldy kóshirip, zat esimderdi taýyp, suraq qoıý.
Hİ. Baǵalaý.