InfoHub Logo

Bilim berý salasy: Tanym
Uıymdastyrylǵan oqý is - áreketi: Matematıka.
Taqyryby: «Zat qandaı pishinnen quralǵan»
Dıdaktıkalyq oıyn.
Maqsaty: Balalardyń sandy sanaý, týra jáne keri sanaý, geometrıalyq pishinderdi ajyratyp aıtyp bilýin bekitý.
Dıdaktıkalyq oıyndar arqyly sanaýdy, tústerdi ajyratýdy jalǵastyryp, zattyń qandaı pishinnen quralatynyn uǵyndyrý. Jumbaq aıtý arqyly balalardyń tilin jetildirip, qarapaıym matematıkalyq uǵymdaryn, logıkalyq oılaý qabiletterin arttyrý. Aınaladaǵy qorshaǵan orta -
men salystyra otyryp geometrıalyq pishinderdi ajyrata bilýge daǵdylandyrý.
Geometrıalyq pishinder týraly bilimderin keńeıtý.
Ańǵarympazdyqqa, tapqyrlyqqa tárbıeleý.

Uıymdastyrylǵan oqý is - áreketiniń ádis - tásili: Saıahattaý, sanaý, suraq - jaýap, kórsetý, túsindirý, oıyn.
Uıymdastyrylǵan oqý is - áreketiniń kórnekiligi: Úlken úlgidegi jáne balalarǵa arnalǵan úlestirmeli geometrıalyq pishinder,
1 - 5 deıingi sandar, oıynshyqtar, sýretter, poezd geometrıalyq úlgidegi vagondar.
Sózdik jumys: Teplovoz, vagon, poezd.
Pán aralyq baılanys: Kórkem ádebıet, Qorshaǵan orta.

Uıymdastyrylǵan oqý is - áreketiniń barysy.
Motıvasıalyq qozǵaýshy:
- Balalar búgin biz «Pishinder álemine» saıahatqa baramyz. Ol úshin poezǵa minýimiz kerek, bizdiń poıyzymyz jaı poezd emes «Ǵajaıyp poezd» Qarańdarshy vagondary kóp eken, tústeri birdeı ma?
- Joq birdeı emes, ártúrli
- Vagonnyń tústeri qandaı eken?
- Qyzyl, sary, kók, jasyl.
- Bizdiń poezymyzdy alǵa súıreýshi «Teplovoz» dep atalady, qane qaıtalap jibereıik.
- Teplovoz.
- Al poezdyń retin sanaıyqshy.
- 1, 2, 3, 4, 5
- Balalar senderdiń qoldaryńda bıletteriń bar, sol bılette kórsetilgen san boıynsha vagondaryńa otyryńdar. (Balalar vagonǵa otyrady)
- Bizdiń Ǵajaıyp poezymyz qala aralyq poezd, sondyqtanda baratyn jerimizge tez jetemiz. Minekeı «Pishinder álemine» kelip jettik, qarańdarshy qandaı keremet, ortada turǵan ústelderge otyra qoıyńdar.

Uıymdastyrýshy
Birneshe baladan neshinshi, qandaı tústi, qandaı pishindi vagonmen kelgenin suraý. ( mys. 3 - shi, qyzyl tústi, úshburyshty vagonmen keldim.)
- Balalar, bizdiń kelgen Pishinder áleminiń senderge arnalǵan tapsyrmalary bar eken, sol tapsyrmalardy oryndaımyz ba?
- Árıne oryndaımyz.
- Olaı bolsa men qazir senderge jumbaq jasyraıyn.
- Bir núkteden bastalyp esh kedergisiz kelip toqtaıtyn qandaı pishin?
- Dóńgelek pishin
- Durys aıtasyńdar, qane dóńgelekti aýada salaıyqshy.
- Endi aınalamyzǵa qarap osy dóńgelek pishinge uqsas zattardy tabaıyqshy. ( Uqsas zattardy aıtady)
- Barlyq qabyrǵalary birdeı qandaı pishin?
- Tórtburysh. (aýada salý, uqsas zattardy tabý)
- Al úsh qabyrǵasy bar qandaı pishin?
- Úshburysh. (aýada qaıtalaý, uqsas zatty tabý)
- Bul jumbaqtyń sheshýin jaqsy taptyńdar, qazir biz «Zat qandaı pishinnen quralǵan» degen oıyn oınaımyz. Ol úshin men senderge taǵy birneshe jumbaq jasyrsam taba alasyńdar ma?
Jasyl ıne kıimim,
Jaılaımyn taý bıigin.
Jańa jyldy toılasań
Tórińdemin úıińniń. Bul ne eken?
- Bul shyrsha
- Durys aıtasyńdar, bul shyrsha eken.
- Bul shyrsha qandaı pishinnen quralǵan?
- Úshburyshtan.
- Basynda shelek qalpaǵy,
Sábiz eken tanaýy.
Qysta qardan jasaıdy,
Taýyp kórshi sen ony.
(Aqqala)
Aqqalanyń qandaı pishinnen quralǵanyn anyqtaý.
- Úsh bólikten, dóńgelekten t. b
- Tórt qabyrǵasy, esigi, shatyry bar ol ne eken?
(úı)
- Úı tórtburysh
Úıdiń qandaı pishinnen quralǵanyn neshe bólikten turatynyn tabý.
- Balalar sender kóliktiń qandaı túrlerin bilesińder?
- Gazel, avtobýs t. b
- Myna sýrettegi qandaı kólik?
- Júk kóligi
- Júk kóligi qandaı pishinnen quralǵan?
(Balalar qandaı pishinnen quralǵanyn tabady.)
- Jaraısyńdar balalar, bul tapsyrmany jaqsy oryndadyńdar, endi kelesi oıynymyz «Qaı pishinge uqsaıdy?» dep atalady. Balalar sýretke qarap uqsas pishinderdi ornalastyrady.
(taqtaǵa birneshe bala shyǵyp jumys jasaıdy)

Sergitý sáti: Turyp dem alaıyq,
Ońǵa, ońǵa túzý tur.
Solǵa, solǵa túzý tur.
Alǵa qaraı bir adym,
Artqa qaraı bir adym.
Joǵary - tómen qaraıyq,
Ornymyzdy tabaıyq.
Balalar jumysy: Geometrıalyq pishinderden ár túrli beıneler jasaý.
Aqqala, úı, shyrsha, júk kóligin jasaý.

Refleksıvti
Korrekshy
Balalardy oryndarynan turǵyzyp, qaıtatynymyzdy aıtyp poezǵa alyp kelý.
- Balalar biz pishinder álemine kelgende poezymyz nesheden bastap tur edi?
1 - 5 ke deıin
- Al endi qalaı tur sanańdarshy.
- 5, 4, 3, 2, 1
- Poezymyzdyń sandary keri qarap tur eken. Barlyq poezdar baratyn baǵytyna týra júrip barady da, qaıtarda sońynan sanalyp ıaǵnı keri sanmen qaıtady eken. Endeshe bizde sol baǵytpen qaıtamyz.
Bárińde óz bıletteriń boıynsha otyra qoıyńdar.

Kútiletin nátıje:
Bilýi: Balalar geometrıalyq pishinderdi ajyratyp 1 - 5 ke deıin
týra jáne keri sanaı biledi.
Meńgerýi: Zattardyń qandaı pishinnen quralatynyn meńgeredi.
Jasaı alýy. Úlestirmeli materıaldardan berilgen tapsyrmany óz betinshe oryndaı alady.