InfoHub Logo

Elimizdiń Biryńǵaı jınaqtaýshy zeınetaqy qoryna (ETJQ) jeke jınaq shotynan aqshasy azaıǵanyn aıtqan azamattyń shaǵymy túsken. Ol zeınetaqy artyq aqshasyn Otbasy bankiniń depozıttik shotyna aýdarmaq bolǵan, alaıda shottaǵy somanyń kúrt azaıýyna baılanysty bul áreketi júzege aspaı qalǵan.

Bul týraly Infohub.kz aqparat agenttigi habarlaıdy.

ETJQ ókilderiniń aıtýynsha, salymshylardyń jeke shottaryna túsken zeınetaqy jarnalary ártúrli qarjy quraldaryna ınvestısıalanady. Investısıalaýdan alynatyn tabys turaqsyz bolady, ıaǵnı belgili bir kezeńdegi syıaqy mólsheri bekitilgen soma emes. Tabys mólsheri baǵaly qaǵazdardyń naryqtyq quny, aıyrbas baǵamdarynyń ózgerýi, zeınetaqy jarnalarynyń mólsheri jáne olardyń túsken kúni sıaqty kóptegen faktorlarǵa baılanysty.

Investısıalyq kiristiń azaıýyna ne sebep boldy?

2026 jyldyń naýryz aıynda teńgeniń dollarǵa qatysty nyǵaıýy jáne zeınetaqy aktıvterin basqaratyn sheteldik uıymdardyń syrtqy basqarýyna berilgen aktıvterdiń naryqtyq baǵasynyń tómendeýi baıqaldy. Bul jaǵdaı ınvestısıalyq kiristiń azaıýyna tikeleı áser etip, salymshylardyń shottaryna teris ınvestısıalyq dohodom retinde tirkeldi.

Qordaǵylar sondaı-aq, eger zeınetaqy jınaqtaryn qaıta baǵalaý nátıjesinde ınvestısıalyq shyǵyndar týyndasa, salymshylardyń zeınetaqy jınaqtary men merziminen buryn alýǵa bolatyn soma azaıýy múmkin ekenin atap ótti. Eger shotta jetkiliktilik sheginen tómen soma qalsa, ETJQ zeınetaqy artyq aqshasyn alý týraly ótinishti qanaǵattandyrýǵa quqyly emes.

Jetkiliktilik shegi ózgere me?

Jaqyn arada Qazaqstanda zeınetaqy jınaqtaryn merziminen buryn alý úshin jetkiliktilik shegin esepteý ádistemesi qaıta qaralady. Alaıda, 8 sáýirde Eńbek jáne halyqty áleýmettik qorǵaý mınıstrligi bıyl bul shekti qaıta kótermeıtinin habarlady.