1-جەلتوقسان - تۇڭعىش پرەزيدەنت كۇنى
قازاقستان رەسپۋبليكاسىنىڭ تۇڭعىش پرەزيدەنت كۇنى 2011 جىلى 10 جەلتوقساندا پارلامەنت سەناتىنىڭ ماجىلىسىندە «مەملەكەتتىك مەرەكەلەر تۋرالى» زاڭناماعا قول قويىلعان ساتتەن باستاپ بەلگىلەنگەنى ءمالىم. تۇڭعىش پرەزيدەنت كۇنىن اتاپ ءوتۋ ءار جىلى 1-جەلتوقساندا ن.نازاربايەۆتىڭ مەملەكەت الدىنداعى زور جەتىستىكتەرىن تانىتۋ ماقساتىندا ۇيىمداستىرىلدى. ەلىمىزدىڭ ىرگەتاسىن قالاپ، شەكاراسىن انىقتاپ، بولاشاققا باعىت-باعدار بەرگەن تۇڭعىش پرەزيدەنتتىڭ حالىق الدىنداعى ەڭبەگى ۇشان-تەڭىز. ن.ءا. نازاربايەۆ رەسپۋبليكانى باسقارعان جىلدارى مەملەكەتتىڭ بارلىق سالاسىندا زور تابىستارعا جەتكەنى ءمالىم. ەلباسى ن.نازاربايەۆتىڭ سىندارلى ساياساتى ناتيجەسىندە تاۋەلسىز قازاق ەلى قالىپتاسىپ، تاريحىمىز تۇگەندەلىپ، ءتىلىمىز، ءدىنىمىز جانە ءدىلىمىز قايتا جاڭعىرىپ، مەملەكەتىمىزدىڭ ۇلتتىق رامىزدەرى قابىلداندى. سونداي-اق، قازاقستاننىڭ شىنايى ەگەمەندىگىن قامتاماسىز ەتكەن ماڭىزدى مەملەكەتتىك اكتىلەرگە قول قويىلدى. سونىڭ ىشىندە ەڭ ماڭىزدى قۇجاتتىڭ ءبىرى - 1991 جىلى 29 تامىزدا ەلباسىنىڭ «سەمەي يادرولىق پوليگونىن جابۋ تۋرالى» جارلىعى شىققانىن ايتقان ءجون. پرەزيدەنت جارلىقتارىمەن 1991 جىلدىڭ 25 قازانىندا «قاۋىپسىزدىك كەڭەسى» جانە «مەملەكەتتىك قورعانىس مينيسترلىگى» قۇرىلدى. قازاقستان رەسپۋبليكاسىنىڭ اۋماعى قازىرگى شەكارالارىندا ءبىرتۇتاس، بولىنبەيتىن جانە قول سۇعۋعا بولمايتىن تەرريتوريا بولىپ تابىلادى. ايتا كەتەر جايت، تاڭداۋدىڭ بۇل كۇنگە ءتۇسۋى - 1991 جىلدىڭ 1- جەلتوقسان كۇنى تاۋەلسىز ەلىمىزدە تۇنعىش پرەزيدەنت سايلاۋى ءوتىپ، ەلباسى حالىقتىڭ زور سەنىمىنە يە بولىپ، ياعني سايلاۋشىلاردىڭ 98،78 پايىز داۋىسپەن جەڭىسكە جەتكەن بولاتىن. كەڭەستىك جۇيەدەن شىڭدالىپ شىققان ن.نازاربايەۆ -تاۋەلسىز مەملەكەتتىڭ نەگىزىن قالاپ، ەلىمىزدىڭ وركەندەۋىنە ولشەۋسىز ۇلەس قوسقان ءبىرتۋار تۇلعا، ەكونوميكانى قارقىندى دامىتۋ مەن حالىقتىڭ ءال-اۋقاتىن ارتتىرۋدا ايرىقشا تابىستارعا قول جەتكىزگەن كەمەل كوشباسشىعا اينالدى. 1991 جىلدىڭ 1-جەلتوقسانى مەن 2019 جىلدىڭ 19ء-ساۋىر ارالىعىندا 28 جىل ەل باسقارعان كەمەنگەرلىگىنىڭ ارقاسى دەپ بىلەمىز. ەلباسىنىڭ قازىرگى قەزدە «نۇر وتان» پارتياسىنىڭ جەتەكشىسى جانە قاۋىپسىزدىك كەڭەسىنىڭ ءتوراعاسى بولىپ قىزمەت اتقارۋدا. تاۋەلسىزدىك جىلدارىنداعى ەلىمىزدىڭ وسىپ-وركەندەۋى مەن جاڭعىرۋىنا زور ۇلەس قوسقان ۇلت كوشباسشىسى ن.نازاربايەۆ تۇلعاسى - تاريحي فەنومەن بولارى داۋسىز.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى، تاريح عىلىمدارىنىڭ كانديداتى
ا.ا.سۋلتانبەكوۆ ءال-فارابي اتىنداعى ءقازۇۋ-نىڭ گەوگرافيا جانە تابيعاتتى پايدالانۋ فاكۋلتەتىنىڭ 1-كۋرس ستۋدەنتى
You Might Also Like
-
ستۋدەنتتىك ءومىر جاستاردىڭ ەڭ كوڭىلدى، اسەرلى، شارشاۋ مەن ۋايىمدى بىلمەي، ىزدەنۋمەن، ۇيرەنۋمەن، تانىسۋمەن، تابىسۋمەن وتەتىن ەرەكشە شاعى. بۇل كەزدە ءبىلىم كەڭىستىگىڭ، كوڭىل كوكجيەگىڭ كەڭەيىپ، ماحاببات...
-
مەكتەپتەردە مەرەكەلىك شارالار وتپەيدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا ايتتى.
