- 09 ءساۋ. 2016 00:00
- 249
10 مينۋتتىڭ ىشىندە ءوزىڭدى قالاي جىگەرلەندىرۋگە بولادى؟
قاڭتار – ەنتۋزياستار ايى: كوپتەگەن ادام جاڭا جىلدا جاڭا ءومىر باستاۋدى قولعا الادى. ولار سپورت زالدارعا جازىلىپ، ديەتانىڭ جاڭا تۇرلەرىن قاراستىرادى، ءوزىن-وزى تاربيەلەۋدىڭ جاڭا ادىستەرىن بايقاپ كورەدى.
ءبىراق اقپان ايى تۋا سالىسىمەن ءبىر كەزدەرى جىگەرلەندىرگەن رۋح وز-وزىنەن جوعالىپ كەتەدى. ادامدار بۇرىنعى ادەتىنە قايتا سالادى، سەبەبى باستاپقى موتيۆاسيالىق رۋحتى قايتارۋ وتە قيىن.
مۇنداي جاعدايدا نە ىستەۋ كەرەك؟
سىزدەرگە رۋحىڭىزدى كوتەرىپ، جىگەرلەندىرەتىن بىرنەشە ءتيىمدى ادىستەردى ۇسىنامىز.
1-قادام. جاعىمسىز كوزقاراس
تىنىشتاۋ جەرگە وتىرىڭىز. بىرنەشە مينۋتقا كوزىڭىزدى جۇمىڭىز دا وزىڭىزگە كەلەسى سۇراقتاردى قويىڭىز:
— ەگەر ءدال وسى باعىتتا قوزعالا بەرسەم، 5 جىلدان كەيىن ءومىرىم نەگە ۇقسايتىن بولادى؟
— ەگەر مەن ەشتەڭەنى وزگەرتپەيتىن بولسام، مەن ءۇشىن جانە اينالامداعى ادامدار ءۇشىن قانداي جاعىمسىز سالدارى بار؟
جاعىمسىز وزگەرىستەردى مۇمكىندىگىڭىزشە بارىنشا جارقىن ەلەستەتىڭىز. بۇل ءسىزدى رۋحتاندىرىپ، وڭتايلى وزگەرىستەرگە قادام جاساۋعا كومەكتەسەدى.
2-قادام. ءپوزيتيۆتى كوزقاراس
ەندى جاعىمدى ويلاردى عانا ويلاپ، جاعدايعا باسقا قىرىنان قاراپ كورىڭىز. ءبىراز ۋاقىتقا كوزىڭىزدى جۇمىپ، وزىڭىزدەن سۇراڭىز:
— ەگەر وسى باعىتتى ۇستاناتىن بولسام، ءبىر جىلدان كەيىن ءومىرىم قانداي بولادى؟
— 5 جىلدان كەيىن شە؟
— ەگەر وسى جولدى ۇستاناتىن بولسام، مەنىڭ ءومىرىم جانە اينالامداعى ادامداردىڭ ءومىرى جاقساراتىن بولا ما؟
جاۋاپتارىڭىزدى بارىنشا ايقىن ەلەستەتىڭىز.
3-قادام. وزىندىك موتيۆاسيا
جوعارىدا كەلتىرىلگەن سۇراقتار ارقىلى بولاشاعىڭىزدى مۇمكىندىگىڭىزشە بارىنشا ايقىن ءارى تولىعىراق ەلەستەتىڭىز. ومىرىڭىزگە وزگەرتۋلەر ەنگىزۋ ءۇشىن ءوزىڭىزدىڭ جەكە سەبەپتەرىڭىزدى تابۋ وتە ماڭىزدى.
مىسالى، سىمباتتى دەنە ءپىشىم كوڭىل كۇيىڭىزگە جاقسى اسەر ەتىپ، كۇشىڭىزدىڭ تاسىپ جۇرۋىنە مۇمكىندىك بەرەر ەدى.
ءبىراق بارىنشا ىسكە اساتىن موتيۆاسيا تابۋ ءۇشىن ءبىراز ۋاقىتقا كوزىڭىزدى جۇمىپ، جەكە سەبەپتەردى ىزدەڭىز.
مىسالى، ەگەر ءسىز دەنساۋلىعىڭىزبەن اينالىسپايتىن بولساڭىز، وندا بولاشاقتا بالالارىڭىزبەن ويناۋعا قۋاتىڭىز بەن كۇشىڭىز قالمايتىن بولادى.
قارجىلىق شىعىندارعا شەكتەۋ سۇيىكتى ادامىڭىزبەن "شەتەلگە" دەمالۋعا بارۋعا مۇمكىندىك بولا الادى.
ال جۇمىسقا قابىلەتتىلىكتى ارتتىرۋ ارقىلى ماتەريالدىق جاعدايىڭىزدى تۇزەپ الۋعا بولادى. بۇل ءوز كەزەگىندە وتباسىڭىز بەن بالالارىڭىزدى قارجىلىق ماسەلەلەردەن قۇتقارادى.
موتيۆاسيا جەتىسپەيتىن باسقا دا ىستەرىڭىزدەن جەكە سەبەپتەر ىزدەپ تابىڭىز. جەكە سەبەپتەر سىزگە قاجەتتى جىگەر بەرەدى.
ءبىر پاراق قاعاز الىپ، ءسىزدىڭ جاعدايىڭىزعا اسەر ەتەتىن ەڭ ماڭىزدى سەبەپتەردى جازىپ، كوزگە كورىنەتىن جەرگە قويىپ قويىڭىز. بۇل اينانىڭ الدى، توڭازىتقىش نەمەسە جۇمىس ۇستەلى بولۋى مۇمكىن.
بەرىلمەڭىز! Cاتتىلىك!