InfoHub Logo

بارلىق عىلىمنىڭ اتاسى سانالاتىن ماتەماتيكا 2000 جىل بويى ادامزاتتىڭ كوپتەگەن سۇراقتارىنا جانە تۇسىنىكسىز قۇبىلىستارعا جاۋاپ تابۋعا كومەكتەسىپ كەلەدى.

ەگەر ادامزاتتىڭ ماتەماتيكالىق اشىلۋلارىنا اناليز جاساساق، كوپتەگەن تاڭعاجايىپ اشىلۋلار ءتۇرلى اۋا رايى قۇبىلىستارىن زەرتتەۋدەن جانە شاراسىز اقيقاتقا كوز جەتكىزۋگە تالپىنۋدان تۋىنداعان. مۇنىڭ بارىنە ادامزات مۇقيات سارالاۋ مەن اقپاراتتى ساراپتاۋ ارقىلى قول جەتكىزگەن.

قازىرگى ۋاقىتتا ماتەماتيكالىق ويلاۋ ادامزاتتىڭ كوپتەگەن سالاسىندا قولدانىسقا يە: مەتەماتيكالىق جانە ستاتيستيكالىق فورمۋلالار ساياسي زەرتتەۋلەردە، ەجەلگى ارتەفاكتاردىڭ ءتۇپنۇسقالىلىعىن انىقتاۋ مەن مەرزىمىن ناقتىلاۋدا، كولىك ماگيسترالدارىنىڭ جۇمىسىن ساراپتاۋدا، جانە ءتىپتى اگروونەركاسىپ سالاسىندا تۇراقتى ونىممەن قامتاماسىز ەتۋ ستراتەگياسىن قۇرۋدا دا پايدالانىلادى.

بۇگىندە ماتەماتيكانىڭ ادامزات ءۇشىن ماڭىزى زور، سوندىقتان ماتەماتيكالىق تەرميندەرمەن ويلاۋ ءار سانالى ادام ءۇشىن ماڭىزدى جەتىستىك.

ماتەماتيكا، ساندارمەن جۇمىس ىستەۋدى جەككورەتىندەر ءۇشىن دە قىزىق بولا الادى. ءبىز مۇنى ماتەماتيكا جايلى قىزىقتى دەرەكتەر، اريفمەتيكالىق تاپسىرمالار مەن گەومەتريالىق زەرتتەۋلەر ارقىلى دالەلدەمەكپىز.

ماتەماتيكا، قىزىقتى ساندار مەن گەومەتريالىق زەرتتەۋلەر جايلى 13 دەرەك

#1. ساعىز مي بەلسەندىلىگىن ارتتىرادى

زەرتتەۋ انىقتاعانداي، ماتەماتيكادان تەست ورىنداپ جاتقان كەزدە ساعىز شايناپ وتىرعان ستۋدەنتتەر، ۇزدىك ناتيجە كورسەتكەن.

#2. 2520 سانىنىڭ قىزىقتى ەرەكشەلىگى

2520 – 1-دەن 10-عا دەيىن قالدىقسىز بولىنەتىن ەڭ از سان.

#3. ماتەماتيكا مەن گالستۋك

ماتەماتيكتەر گالستۋكتى بايلاۋدىڭ 177147 ءتاسىلى بار ەكەنىن انىقتاعان.

#4. الەمنىڭ عىلىمي جەتىستىگى

1900 جىلى بارلىق ماتەماتيكالىق زەرتتەۋلەردى 80 كىتاپقا سىيدىرۋعا بولاتىن. قازىردە بارلىق مالىمەتتەردى 100 000 كىتاپقا سىيدىرۋ قيىن.

#5. تۋعان كۇندەرگە قاتىستى پارادوكس

ەگەر توپتا 23 ادام بولاتىن بولسا، تىم قۇرىعاندا ەكى ادام ءبىر كۇندە تۋىلعان بولۋ مۇمكىندىگى – 50%.

#6. يسااك نيۋتوننىڭ جاڭالىعى

يسااك نيۋتون ەسەپتەۋدى ويلاپ تاپقان ۋاقىت، شامامەن، ستۋدەنتتىڭ وسى عىلىمنىڭ نەگىزدەرىن ۇيرەنۋىنە كەتەتىن ۋاقىتقا تەڭ.

#7. الەمدىك ماتەماتيكالىق رەكورد

2010 جىلى بۇكىلالەمدىك ماتەماتيكا كۇنىن تويلاۋ شەڭبەرىندە الەمنىڭ 235-تەن استام ەلىنەن 1،13 ملن ستۋدەنت رەكورد ورناتتى: ولار توپپەن 479،732،613 سۇراققا دۇرىس جاۋاپ بەرگەن.

#8. جاۋاپقا ميلليون دوللار

كلەي ماتەماتيكالىق ينستيتۋتى حودجا، پۋانكارە، ريمانا گيپوتەزدەردىڭ ءبىرىن دۇرىس شەشكەن ادامعا $1 ملن. ۇسىنادى.

#9. گەومەتريالىق ەرەكشەلىك

بىردەي پەريمەترلى بارلىق گەومەتريالىق فيگۋرالاردىڭ ىشىندە شەڭبەر ەڭ ۇلكەن اۋدانعا يە بولادى.

#10. ماتەماتيكالىق سلەنگ

5 سانى تاي تىلىندە "حا" دەپ دىبىستالادى. ال "555" بۇل سلەنگ-سوز، "حا، حا، حا" دەگەن ماعىنا بەرەدى.

#11. پاليندروم نەمەسە اينا سان

پاليندروم-سان (پاليندرومون) – بۇل ەكى باعىتتا دا بىردەي وقىلاتىن اينا سان، مىسالى، 12421.

#12. ساندىق سەنىم

1995 جىلى تايبەيدە تۇرعىندارعا توپوگرافيالىق اتاۋلاردان "4" سانىن الىپ تاستاۋعا رۇقسات بەرىلدى، سەبەبى بۇل سان جۇڭگو تىلىندە "ءولىم" سوزىمەن بىردەي دىبىستالادى. كوپتەگەن جۇڭگو اۋرۋحانالارىندا 4ء-شى قابات جوق.

#13. Google اتاۋىنىڭ تاريحى

Googol (Google برەندىنىڭ ماعىناسى مەن شىعۋ تاريحى) بۇل 100 ءنولى بار 1 سانىن بەلگىلەيتىن تەرمين.

---