InfoHub Logo

11 سىنىپ وقۋشىلارىنا ارنالعان «ءبىرىڭعاي مەكتەپ فورماسىن ەنگىزۋ قاجەت پە؟» دەبات.

قۇرمەتتى وقۋشىلار مەن ۇستازدار! ەل پرەزيدەنتى ايتقانداي «باسەكەگە قابىلەتتى مەملەكەت بولۋ ءۇشىن ءبىز ساۋاتتىلىعى جوعارى ەلگە اينالۋىمىز كەرەك». بۇل مىندەتتى اتقارۋ بىزدەرگە تىكەلەي بايلانىستى. قازىرگى ءبىلىم سالاسىنا قويىلىپ وتىرعان زامان تالابى ءوز ويى مەن پىكىرى بار، شىعارماشىلىقپەن جۇمىس جاساي الاتىن، قابىلەتتى دە قۇزىرەتتى تۇلعانى تاربيەلەۋ. وسى جولدا مۇعالىمدەر مەن وقۋشىلارعا قويىلاتىن مىندەتتەر اسا ۇلكەن. وقۋشى قانداي بولۋى كەرەك – دەپ سۇراق قويساق، ونىڭ ءبىر قىرى بالانىڭ مادەنيەتى مەن كيىمىنە كەلىپ سوعادى. سوندىقتان ءبىز بۇگىن وقۋشى كيىمى قانداي بولۋى كەرەك دەگەن سۇراققا جاۋاپ بەرە الساق وندا ءبىزدىڭ دەباتىمىزدىڭ ءوز ماقساتىنا جاقىنداعانى دەپ ەسەپتەيمىز.
سونىمەن بۇگىنگى دەباتىمىزدىڭ نەگىزگى ماقساتى:
بىلىمدىلىك: وقۋشىلاردى جان - جاقتى ىزدەنىس جۇمىستارىنا باۋلۋ، مەكتەپ فورماسىنىڭ ءبىرىڭعاي مەكتەپ ەرەجەسىنىڭ تارماعى ەكەندىگىن، تارتىپپەن تاربيەدە مەكتەپ فورماسىنىڭ الاتىن ورنى تۋرالى وي قالىپتاستىرۋ.
دامىتۋشىلىق: وقۋشىنى كوپشىلىك الدىندا ەركىن سويلەۋگە، ءوز ويىن جەتىك، تولىق جەتكىزۋگە، سويلەۋ مادەنيەتىن دامىتۋعا باعىتتاۋ.
تاربيەلىك: تالاپقا ساي ءبىرىڭعاي مەكتەپ فورماسىنىڭ ءتيىمدى - ءتيىمسىز جاقتارىن كورسەتۋ، وقۋشىلاردىڭ وي پىكىرىن دامىتىپ، دۇنيە تانىمىن ارتتىرۋ ماقساتىندا رۋحاني ادامگەرشىلىك تاربيە بەرۋ.
«تاياقتىڭ ەكى ۇشى بار» دەگەندەي قازاقستان مەكتەپتەرىنە ءبىرىڭعاي مەكتەپ فورماسىن ەنگىزۋدىڭ دە ءتيىمدى - ءتيىمسىز جاقتارى بار. ءبىز وسى جايىندا ءوز وي - پىكىرىمىزدى تارازىعا سالىپ كورەيىك.
قاتىسۋشىلار: جاقتاۋشى «اقيقات» توبى، داتتاۋشى «پاراسات» توبى.
سايىسىمىزدىڭ ەرەجەلەرىمەن بولىمدەرىمەن تانىستىرىپ وتەيىن.

سايىسىمىزدىڭ بولىمدەرى:
ءى. كىرىسپە
1. ەكى فراكسيادا ءۇش سپيكەردەن بولادى.
2. ەكى فراكسيانىڭ سپيكەرلەرى وزدەرىن تانىستىرادى.

ءىى. نەگىزگى ءبولىم
1. نەگىزگى كەزەڭ بۇندا سپيكەرلەر ارگۋمەنتپەن (دالەلدەمەلەرمەن) مىسالدار، ستاتيستيكالىق مالىمەتتەرمەن تانىستىرادى.
2. ەكى فراكسيانىڭ ۇسىنىسارىمەن قوسىمشالارى.
3. ەكى فراكسيا ءبىر - بىرىنە سۇراق قويادى.

ءىىى. قورىتىندى.
1. زالدا وتىرعان قاتىسۋشىلارعا 2 ءتۇستى كارتوچكا تاراتىلادى. جاقتاۋشى جاقتى قولدايتىندار جاسىل كارتوچكا، داتتاۋشى جاقتى قولدايتىندار كوك كارتوچكانى جاشىككە سالامىز.
2. تورەشىلەر ەكى فراكسيانىڭ سايىستا جيناعان ساراپتامالىق داۋىستارىن جاريالايدى.
3. قورىتىندى.

سايىسىمىزدىڭ ەرەجەسى:
1. بوس ايتىس، تارتىستان اۋلاق بولۋ.
2. قارسىلاسىڭدى تىڭداۋ، سىيلاۋ.
3. مىسقىل سۇراقتار قويۋعا بولمايدى.
4. قاراما - قارسى سۇراقتارعا بەرىلگەن ۋاقىتتى ءتيىمدى پايدالانۋ.
5. قوسىمشا قويىلاتىن سۇراقتارعا دايىن بولۋ شارت.
سايىسىمىزدىڭ تورەشىلەرىمەن تانىستىرايىق:
------------------------------------
سايىسىمىزدى باستاماس بۇرىن جەرەبە تاراتىلىپ قاي فراكسيانىڭ ءبىرىنشى باستايتىنى بەلگىلى بولادى.
ەندەشە ءبىرىنشى بولىمگە كەزەك بەرەيىك. تانىستىرۋ. ءار توپ وزدەرىن تانىستىرادى. ۋاقىتىڭىز 1 مينۋت.
جاقتاۋشى جاقتىڭ سپيكەرلەرى (اقيقات توبى. 3 وقۋشىدان)
داتتاۋشى جاقتىڭ سپيكەرلەرى (پاراسات توبى. 3 وقۋشىدان)
جۇرگىزۋشى: قارسىلاستار وزدەرىن تانىستىرىپ بولعان سىڭايلى، ەندى نەگىزگى كەزەڭگە كەزەك بەرسەك دەيمىز. وقۋشىلار بۇل كەزەڭدە ءوز پىكىرلەرىن ايتادى، ولاردى دالەلدەيدى، كەرەكتى فاكتىلەر، مىسالدار، ستاتيستيكالىق مالىمەتتەر كەلتىرەدى. جاقتاۋشى مەن قارسى داتتاۋشى جاقتىڭ سپيكەرلەرى ءار دالەل بويىنشا كەزەكپەن كەزەك سويلەيدى. ۋاقىتتارىڭىز شەكتەۋلى – 3 مينۋت.