2018 جىلى ۇبت-نىڭ قازىرگى فورماتى ساقتالادى
جوعارى وقۋ ورنىنا اقىلى تۇردە ءتۇسۋدىڭ بالامالى نۇسقاسىن ەنگىزۋ ساپانىڭ تومەندەۋىنە الىپ كەلەدى. بۇل تۋرالى ءبىلىم جانە عىلىم مينيسترلىگى حابارلادى.
«اق جول» پارتياسىنان تالاپكەرلەرگە جوعارى وقۋ ورنىنا ءتۇسۋ ءۇشىن ۇلتتىق ءبىرىڭعاي تەستىلەۋدەن باسقا بالامالى نۇسقا ەنگىزۋ تۋرالى ۇسىنىس جولداندى. بۇل ۇسىنىس «اق جول» جانە «نۇر وتان» پارتيالارىنىڭ ق ر پارلامەنتى ءماجىلىسى دەپۋتاتتارىنىڭ قاتىسۋىمەن ءبىلىم جانە عىلىم، بالالار قۇقىعىن قورعاۋ ماسەلەلەرى جونىندەگى قوعامدىق كەڭەستە بىرنەشە رەت قاراستىرىلدى»، - دەپ اتاپ وتىلگەن مينيسترلىك مالىمەتىندە.
وسى ورايدا ق ر بعم بۇل ۇسىنىس پەداگوگيكالىق جانە اتا-انالار قوعامىمەن دە جان-جاقتى تالقىلانعانىن، قوعامنىڭ كوزقاراسى ءبىرماندى ەمەستىگىن حابارلادى.
«قوعامنىڭ كوزقاراسى بويىنشا جوعارى وقۋ ورنىنا اقىلى تۇردە ءتۇسۋدىڭ بالامالى نۇسقاسىن ەنگىزۋ ساپانىڭ تومەندەۋىنە اكەلىپ سوعادى. وسىعان بايلانىستى الداعى 2018 جىلى ۇبت-نىڭ جوعارى وقۋ ورنىنا تۇسۋگە ارنالعان قازىرگى فورماتى ساقتالاتىن بولادى»، - دەلىنگەن ۆەدومستۆو حابارلاماسىندا.
You Might Also Like
-
وڭتۇستىك قازاقستان وبىلىسى شاردارا اۋدانى № 16 كوللەدج دايىنداعان: تۇ-43 توپ ستۋدەنتى ەرۋباي ارۋجان جەتەكشىسى ارنايى ءپان وقىتۋشى ساگيموۆا اقشولپان نۇرلىباي قىزى
-
بۇل تاسىلگە جالقاۋلار مەن ءتاتتى قۇمارلاردىڭ دا قاۋقارى جەتەدى...
